വാക്സിൻ എന്ന് ലഭിക്കും? ഇന്ത്യയുടെ കൊവാക്സിൻ മൂന്നാംഘട്ട പരീക്ഷണത്തിലേക്ക്; ഓക്സഫഡ് വാക്സിനും പ്രതീക്ഷ നൽകുന്നു

ലോകരാജ്യങ്ങളെ പ്രതിരോധത്തിലാക്കിയ കൊവിഡിനെ തടയാൻ വാക്സിൻ എന്നെത്തുമെന്നാണ് ലോകരാജ്യങ്ങൾ ഉറ്റുനോക്കുന്നത്. പല വാക്സിൻ ഗവേഷണങ്ങളും അവസാനഘട്ടത്തിലേക്കെത്തിയെന്ന റിപ്പോർട്ടുകൾ ഇതിനോടകം തന്നെ പുറത്ത് വന്നിട്ടുണ്ട്. ഓക്സ്ഫഡ് യൂണിവേഴ്സിറ്റിയും അസ്ട്രാസെനകയും ചേർന്ന് വികസിപ്പിക്കുന്ന വാക്സിൻ എല്ലാപ്രായത്തിലുള്ളവരുടെയും പ്രതിരോധശക്തിയെ സഹായിക്കുമെന്ന റിപ്പോർട്ട് കഴിഞ്ഞദിവസം പുറത്ത് വന്നിരുന്നു. അതേസമയം ഇന്ത്യയിൽ ഭാരത് ബയോടെക്കും ഐസിഎംആറും ചേർന്ന് വികസിപ്പിക്കുന്ന കൊവാക്സിൻ മൂന്നാംഘട്ട ക്ലിനിക്കൽ പരീക്ഷണത്തിലേക്ക് കടക്കുകയാണ്. വാക്സിൻ പരീക്ഷണങ്ങളുമായി ബന്ധപ്പെട്ട വിശദാംശങ്ങളറിയാം.

​ഓക്സ്ഫഡ് വാക്സിൻ പ്രതീക്ഷയേകുന്നു

ഓക്സഫഡ് കൊവിഡ് വാക്സിൻ എല്ലാപ്രായത്തിലുള്ളവരുടെയും പ്രതിരോധശക്തിയെ സഹായിക്കുമെന്നാണ് മരുന്ന് നിർമ്മാതാക്കളായ അസ്ട്രാസെനക പറയുന്നത്. ഓക്സഫഡ് വാക്സിൻ പ്രായമായവരിലും ചെറുപ്പക്കാരിലും സമാനമായ രോഗപ്രതിരോധ ശേഷി ഉണ്ടാക്കുന്നു. പ്രായമായവരിൽ പ്രതികൂല പ്രതികരണങ്ങൾ കുറവാണ്. ബ്രിട്ടീഷ് മരുന്ന് നിർമ്മാതാക്കളായ അസ്ട്രാസെനെക അവകാശപ്പെടുന്നു. പ്രായാധിക്യമുള്ളവർ വൈറസ് ബാധയേറ്റ് മരിക്കാനുള്ള സാധ്യത കൂടുതലാണെന്നിരിക്കെ പ്രായമേറിയവർക്ക് വാക്സിനിലൂടെ രോഗപ്രതിരോധശക്തി ലഭിക്കുന്നെന്ന വാർത്ത കൊവിഡ് പോരാട്ടത്തിന് ഊർജ്ജമേകുന്നതാണ്.

കൊവാക്സിൻ പരീക്ഷണം മൂന്നാംഘട്ടത്തിൽ

ഇന്ത്യൻ കൗൺസിൽ ഓഫ് മെഡിക്കൽ റിസർച്ചു (ഐസിഎംആർ) മായി സഹകരിച്ച് ഭാരത് ബയോടെക് വികസിപ്പിക്കുന്ന കൊവിഡ് വാക്സിനായ കൊവാക്സിന് മൂന്നാംഘട്ട മനുഷ്യ പരീക്ഷണത്തിന് അനുമതി ലഭിച്ചിരിക്കുകയാണ്. വൈറസിനെതിരായ വാക്‌സിൻ അന്വേഷണം ഏതാണ്ട് അവസാന ഘട്ടത്തിലെത്തിയിട്ടുണ്ടെന്ന് കോവാക്സിൻ ഹ്യൂമൻ ട്രയലിലെ പ്രിൻസിപ്പൽ ഇൻവെസ്റ്റിഗേറ്ററും ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ കമ്മ്യൂണിറ്റി മെഡിസിൻ വിഭാഗം പ്രൊഫസറുമായ ഡോ. ഇ വെങ്കട റാവുവും പറഞ്ഞു.

പരീക്ഷണത്തിന് തെരഞ്ഞെടുത്ത് 21 ഇടങ്ങൾ

ഒക്ടോബര്‍ രണ്ടിനാണ് കൊവാക്സിൻ നിര്‍മാതാക്കള്‍ മൂന്നാം ഘട്ട പരീക്ഷണത്തിന് അനുമതി തേടിയത്. 10 സംസ്ഥാനങ്ങളിലായി ഡൽഹി, മുംബൈ, പട്‌ന, ലഖ്‌നൗ ഉൾപ്പെടെ 19 ഇടങ്ങളിൽ പരിശോധനകൾ നടത്തിയതിന്റെ പഠനറിപ്പോർട്ട് ഉൾപ്പെടെയാണ് ഭാരത് ബയോടെക് അപേക്ഷ നൽകിയത്. ഇതിന്‍റെ അടിസ്ഥാനത്തിൽ ഡ്രഗ്‌സ് കണ്‍ട്രോള്‍ ജനറല്‍ ഓഫ് ഇന്ത്യ (ഡിസിജിഐ) പരീക്ഷണാനുമതി നൽകിയതോടെ രാജ്യത്തെ വിവിധയിടങ്ങളിലായുള്ള 21 മെഡിക്കൽ ഇൻസ്റ്റിറ്റ്യൂട്ടുകൾ പരീക്ഷണത്തിന് തെരഞ്ഞെടുത്തെന്നാണ് ദേശീയ മാധ്യമമായ ഇന്ത്യ ടുഡേ റിപ്പോർട്ട് ചെയ്യുന്നത്.

പരീക്ഷണത്തിനായി 42,000 പേരെ തെരഞ്ഞെടുത്ത് ഫൈസർ

അമേരിക്ക ആസ്ഥാനമായി പ്രവർത്തിക്കുന്ന മരുന്ന് നിർമ്മാതാക്കളായ ഫൈസർ ജർമ്മൻ ഫാർമ കമ്പനി ബയോടെക്കുമായി ചേർന്ന് നിർമ്മിക്കുന്ന വാക്സിൻ പരീക്ഷണത്തിന്‍റെ രണ്ടും മൂന്നും ഘട്ട പരീക്ഷണങ്ങൾക്കായി 42,113 വളണ്ടിയർമാരെ തെരഞ്ഞെടുത്ത് കഴിഞ്ഞിരിക്കുകയാണ്. യുഎസ് അധികൃതരുടെ അംഗീകാരത്തിനായി കൊവിഡ് വാക്സിൻ നവംബർ അവസാനത്തോടെ സമർപ്പിക്കുമെന്നാണ് ഫൈസർ പറയുന്നത്. ഈ വർഷം അവസാനത്തോടെ അമേരിക്കയിൽ വാക്സിൻ ലഭ്യമാകാനുള്ള സാധ്യതയിലേക്കാണ് ഇത് വിരൽചൂണ്ടുന്നത്.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

പഞ്ചാബില്‍ കുഴല്‍ക്കിണറില്‍ വീണ 6 വയസ്സുകാരന്‍ മരിച്ചു

  ബെയ്‌റാംപൂര്‍: പഞ്ചാബിലെ ബെയ്‌റാംപൂരില്‍ 300 അടി താഴ്ചയുള്ള കുഴല്‍ക്കിണറില്‍ വീണ ആറ് വയസ്സുകാരന്‍ മരിച്ചു. തെരുവുനായ്ക്കള്‍ വിടാതെ പിന്തുടര്‍ന്ന് ഓടുമ്ബോഴാണ് ഋത്വിക് എന്ന കുട്ടി കുഴല്‍ക്കിണറിലേക്ക് പതിച്ചത്. ഒമ്ബത് മണിക്കൂറിനു ശേഷമാണ് പുറത്തെടുക്കാനായത്. 65 മീറ്റര്‍ താഴെ...

പെട്രോള്‍ വില ഇനി ദിവസവും വികസിക്കും; കേന്ദ്രത്തെ പരിഹസിച്ച് രാഹുല്‍ ഗാന്ധി

ഇന്ധനവില കുറച്ചതുമായി ബന്ധപ്പെട്ട കേന്ദ്രസര്‍ക്കാര്‍ നിലപാടില്‍ പരിഹാസം രേഖപ്പെടുത്തി കോണ്‍ഗ്രസ് നേതാവ് രാഹുല്‍ ഗാന്ധി. പെട്രോള്‍ വില ഇനി ദിവസവും വികസിക്കും എന്നാണ് കേന്ദ്രത്തെ പരിഹസിച്ച് രാഹുല്‍ ഗാന്ധി പറഞ്ഞത്. ട്വിറ്ററിലൂടെയായിരുന്നു അദ്ദേഹത്തിന്റെ...

തൊഴിലധിഷ്ഠിത മാസീവ്  ഓപ്പണ്‍ ഓണ്‍ലൈന്‍ കോഴ്്‌സുകള്‍ വികസിപ്പിച്ച് കുസാറ്റ്

  കൊച്ചി: സമൂഹത്തിലെ എല്ലാ ആളുകളിലേക്കും പ്രത്യേകിച്ച്് ഏറ്റവും പിന്നോക്കം നില്‍ക്കുന്നവര്‍ക്ക്് അവരുടെ അറിവിന്റെ ചക്രവാളങ്ങള്‍ വിശാലമാക്കുന്നതിനും മികച്ച അദ്ധ്യാപന-പഠന വിഭവങ്ങളിലേക്കുള്ള പ്രവേശനത്തിനും സവിശേഷമായ ഒരു വിദ്യാഭ്യാസ അവസരം സൃഷ്ടിക്കുക എന്ന ലക്ഷ്യത്തോടെ കൊച്ചി...