ഒന്നല്ല രണ്ടാണ് ; സ്ഥാനാർത്ഥി രാജീവ് സക്കറിയക്കായി വോട്ട് തേടി ഇരട്ട സഹോദരൻ ലിജീവും

ഒരേ വാർഡിൽ ഒരേ സമയം രണ്ട് ഇടങ്ങളിൽ വോട്ട് തേടാൻ ആലുവയിലെ ഇരുപതാം വാർഡിൽ മത്സരിക്കുന്ന രാജീവെന്ന രാജീവ് സക്കറിയയ്ക്ക് കഴിയും. എങ്ങനെയെന്നല്ലെ, തന്റെ ഇരട്ട സഹോദരനിലൂടെ. ആലുവ ഇരുപതാം വാർഡിലെ എൽഡിഎഫ് സ്ഥാനാർഥിയായ രാജീവ് സക്കറിയയ്ക്ക് , ലിജീവ് സക്കറിയ എന്ന ഇരട്ട സഹോദരൻ കൂടിയുണ്ട്. പ്രചാരണത്തിനും മറ്റുമായി പൊതുജനങ്ങളെ കാണാൻ സ്ഥാനാർത്ഥി രാജീവിന് കൂട്ടായി അറിഞ്ഞോ അറിയാതയോ സഹോദരനും പങ്കാളിയാകുന്നു.

നാട്ടുകാർക്ക് മത്സരാർത്ഥിയെ മാറി പോകുന്ന അവസ്ഥയാണ് നിലവിൽ ഇരുപതാം വാർഡിൽ. ആകെയൊരു ആശയ കുഴപ്പം. രാജീവ് എന്ന തെറ്റിദ്ധാരണയിൽ ആളുകൾ തന്നെ നോക്കി ചിരിക്കുമ്പോഴും വിവരങ്ങൾ തിരക്കുമ്പോഴും ലിജീവ് ഒഴിഞ്ഞുമാറാറില്ല. പകരം തന്റെ ഇരട്ട സഹോദരനാണ് രാജീവെന്നും മത്സരാർത്ഥി അദ്ദേഹമാണെന്നും പറയും. എന്നിരുന്നാലും ഇതിനൊരു പോംവഴിയും ലിജീവ് കണ്ടെത്തിയിട്ടുണ്ട്. സഹോദരനുവേണ്ടി തന്റെ വസ്ത്ര ധാരണവും ലിജീവ് മാറ്റി. മുണ്ടിന് പകരം പാന്റ്സാക്കി. ഷർട്ടും മാറ്റി. അത് മാത്രമല്ല, ഒറ്റ നോട്ടത്തിൽ ആളെ തിരിച്ചറിയാൻ ഒരു എളുപ്പ വഴിക്കൂടി നാട്ടുകാർക്കായി പറഞ്ഞു കൊടുക്കുന്നുണ്ട് ഈ സഹോദരങ്ങൾ. രണ്ടുപേരെയും തമ്മിൽ തിരിച്ചറിയാൻ സഹായിക്കുന്ന ഒരു മുറിപ്പാട് ലിജീവിന്റെ നെറ്റിയിലുണ്ട്.

ഇങ്ങനെയൊക്കെ ആയാലും ഒരേ സമയം മത്സരിക്കുന്ന വാർഡിൽ തന്നെ രണ്ടിടങ്ങളിൽ വോട്ട് തേടാമെന്നുള്ള സന്തോഷവും ഇരുവരും മറച്ചുവെയ്ക്കുന്നില്ല. ഒപ്പം താൻ കാരണം രാജീവിനുള്ള വോട്ടുകൾ നഷ്ടമാവരുതെന്ന വാശിയും ലിജീവിനുണ്ട്. അതുകൊണ്ട് തന്നെ ഏതുനേരവും നിറഞ്ഞ ചിരിയുമായാണ് ലിജീവിന്റെ നടപ്പും. ആലുവ നഗരസഭയിൽ എൽഡിഎഫിന്റെ ചെയർമാൻ സ്ഥാനാർഥി കൂടിയാണ് രാജീവ് സക്കറിയ. വർഷങ്ങളായി പൊതുപ്രവർത്തന രംഗത്ത് തുടരുന്ന വ്യക്തി കൂടിയാണ് രാജീവ്. ഇത്തവണ സ്വന്തം വാർഡിലാണ് രാജീവിന്റെ മത്സരം.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

തൊഴിലധിഷ്ഠിത മാസീവ്  ഓപ്പണ്‍ ഓണ്‍ലൈന്‍ കോഴ്്‌സുകള്‍ വികസിപ്പിച്ച് കുസാറ്റ്

  കൊച്ചി: സമൂഹത്തിലെ എല്ലാ ആളുകളിലേക്കും പ്രത്യേകിച്ച്് ഏറ്റവും പിന്നോക്കം നില്‍ക്കുന്നവര്‍ക്ക്് അവരുടെ അറിവിന്റെ ചക്രവാളങ്ങള്‍ വിശാലമാക്കുന്നതിനും മികച്ച അദ്ധ്യാപന-പഠന വിഭവങ്ങളിലേക്കുള്ള പ്രവേശനത്തിനും സവിശേഷമായ ഒരു വിദ്യാഭ്യാസ അവസരം സൃഷ്ടിക്കുക എന്ന ലക്ഷ്യത്തോടെ കൊച്ചി...

ബി.ജെ.പിക്കെതിരെ എല്ലാവരെയും ഒരുമിപ്പിക്കേണ്ടത് പ്രതിപക്ഷ കടമയെന്ന് രാഹുല്‍ ഗാന്ധി

ന്യൂഡല്‍ഹി: ബി.ജെ.പിക്കെതിരെ എല്ലാവരെയും ഒരുമിപ്പിക്കേണ്ടത് പ്രതിപക്ഷത്തിന്‍റെ കടമയെന്ന് കോണ്‍ഗ്രസ് നേതാവ് രാഹുല്‍ ഗാന്ധി. എല്ലാവരെയും ഒരുമിപ്പിച്ച്‌ കൊണ്ടു പോകാനാണ് കോണ്‍ഗ്രസിന്‍റെ ശ്രമമെന്നും രാഹുല്‍ വ്യക്തമാക്കി. ലണ്ടനില്‍ നടന്ന 'ഐഡിയ ഫോര്‍ ഇന്ത്യ' എന്ന പരിപാടിയില്‍ സംസാരിക്കുകയായിരുന്നു...

മോഹന്‍ലാലിന് ഇന്ന് 62-ാം പിറന്നാള്‍

മലയാളത്തിന്റെ മഹാനടന്‍ മോഹന്‍ലാലിന്റെ പിറന്നാളാണ് ഇന്ന് . മോഹന്‍ലാല്‍ ഇന്ന് അറുപത്തിരണ്ട് വയസിലേക്ക് കടക്കുകയാണ്. സോഷ്യല്‍മീഡിയയില്‍ താരങ്ങളും ആരാധകരും അദ്ദേഹത്തിന് ആശംസകള്‍ നേരുന്നുമുണ്ട്. തന്റെ ആദ്യ സംവിധാന സംരംഭമായ ബറോസിന്റെ ചിത്രീകരണവുമായി ബന്ധപ്പെട്ട...