ആത്മഹത്യാപ്രേരണ: അര്‍നബിന്റെ ജാമ്യാപേക്ഷ ഇന്ന് പരിഗണിച്ചേക്കും


മുംബൈ: ആലിബാഗ് കോടതിയുടെ ഉത്തരവ് പ്രകാരം 14 ദിവസത്തെ ജുഡീഷ്യല്‍ കസ്റ്റഡിയില്‍ വിട്ട റിപ്പബ്ലിക് ടിവി എഡിറ്റര്‍ ഇന്‍ ചീഫ് അര്‍നബ് ഗോസ്വാമിയുടെ ജാമ്യാപേക്ഷ ബോംബെ ഹൈക്കോടതി ഇന്ന് പരിഗണിച്ചേക്കും. അര്‍ണബിന്റെ കേസ് പരിഗണിക്കുന്ന അലിബാഗ് കോടതിയില്‍ ജാമ്യാപേക്ഷ സമര്‍പ്പിച്ചിരുന്നതായി അര്‍നബിന്റെ അഭിഭാഷകരായ ആബാദ് പോണ്ടെ, ഗൗരവ് പാര്‍ക്കര്‍ എന്നിവര്‍ പറഞ്ഞു. ഇതും വ്യാഴാഴ്ച പരിഗണിച്ചേക്കും. അര്‍ണാബിന്റെ കേസില്‍ മറുപടി നല്‍കാന്‍ പോലിസിനോട് കോടതി ആവശ്യപ്പെട്ടിട്ടുണ്ട്.
ബുധനാഴ്ച രാവിലെയാണ് അര്‍ണാബിനെ അദ്ദേഹത്തിന്റെ വസതിയില്‍ നിന്ന് അറസ്റ്റ് ചെയ്തത്. മുംബൈയിലെ ഇന്റീരിയര്‍ ഡിസൈനറായ അന്‍വേ നായിക്കിനെയും മാതാവ് കുമുദ് നായിക്കിനെയും ആത്മഹത്യയിലേക്ക് തള്ളിവിട്ടതില്‍ അര്‍മാബിനും വ്യവസായികളായ ഫിറോസ് ഷെയ്ക്കിനും നിതേഷ് ദര്‍ദയ്ക്കും പങ്കുണ്ടെന്നാണ് ആരോപണം.
ഐപിസി 306 ആത്മഹത്യയ്ക്ക് പ്രേരിപ്പിക്കല്‍, ഐപിസി 34 തുടങ്ങിയ വകുപ്പുകള്‍ പ്രകാരമാണ് ഗോസ്വാമിക്കെതിരേ കേസെടുത്തത്.

അര്‍ണബിനെ അറസ്റ്റ് ചെയ്യാനെത്തിയ പോലിസ് ഉദ്യോഗസ്ഥയെ ഭീഷണിപ്പെടുത്തിയതിനും തടസ്സപ്പെടുത്തിയതിനും ചീത്തവിളിച്ചതിനും അര്‍നബിന്റെ ഭാര്യയ്ക്കും മകനുമെതിരേ മറ്റൊരു എഫ്‌ഐആര്‍ കൂടെ ചുമത്തിയിട്ടുണ്ട്. ഇരുവരും സര്‍ക്കാര്‍ രേഖകള്‍ കീറിയെറിഞ്ഞുവെന്നും ആരോപിക്കുന്നു. എന്‍എം ജോഷി മാര്‍ഗ് സ്‌റ്റേഷനിലാണ് ഐപിസി 353, 504, 506 തുടങ്ങിയ വകുപ്പുകള്‍ ചുമത്തി ഇവര്‍ക്കെതിരേ കേസെടുത്തിട്ടുള്ളത്.

രണ്ട് വ്യത്യസ്ത കമ്ബനികളുടെ ഉടമകളായ അര്‍നബും മറ്റ് രണ്ടുപേരും 5.40 കോടി രൂപ കുടിശ്ശിക നല്‍കാത്തതിനാലാണ് താനും അമ്മയും ജീവന്‍ അവസാനിപ്പിക്കാന്‍ നിര്‍ബന്ധിതരായതെന്ന് അന്‍വേ ആത്മഹത്യാക്കുറിപ്പില്‍ എഴുതിയിരുന്നു. നായ്ക്കിന്റെ കമ്ബനിയായ കോണ്‍കോര്‍ഡ് ഡിസൈന്‍സ് പ്രൈവറ്റ് ലിമിറ്റഡിന് അറസ്റ്റിലായ അര്‍ണബ്, ഫിറോസ് ഷെയ്ക്ക്, നിതേഷ് ദര്‍ദ എന്നിവര്‍ യഥാക്രമം 83 ലക്ഷം, 4 കോടി, 55 ലക്ഷം രൂപ എന്നിങ്ങനെ കുടിശ്ശിക നല്‍കാനുണ്ടെന്നാണ് ആത്മഹത്യാ കുറിപ്പില്‍ നായിക്ക് കുറിച്ചിരുന്നത്.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

സിബിഎസ്‌ഇ ബോര്‍ഡ് പരീക്ഷാത്തീയതി അടുത്തയാഴ്ച

ന്യൂഡല്‍ഹി: 2023-24 അധ്യയന വര്‍ഷത്തെ 10, 12 ക്ലാസ് ബോര്‍ഡ് പരീക്ഷാത്തീയതികള്‍ അടുത്തയാഴ്ച പ്രസിദ്ധീകരിക്കും. റെഗുലര്‍ സ്‌കൂളുകളിലെ 10-ാം ക്ലാസ് ഇന്റേണല്‍, 12-ാം ക്ലാസ് പ്രാക്ടിക്കല്‍ പരീക്ഷകളുടെ തീയതിയാണ് ആദ്യം പ്രഖ്യാപിക്കുക. ഇവ അടുത്ത വര്‍ഷം...

സിൽവർലൈൻ പദ്ധതി മരവിപ്പിച്ച് സർക്കാർ

സിൽവർലൈൻ പദ്ധതി മരവിപ്പിച്ച് സംസ്ഥാന സർക്കാർ. സാമൂഹികാഘാത പഠനത്തിനുള്ള പുതിയ വിജ്ഞാപനം കേന്ദ്രാനുമതിക്ക് ശേഷം. ഇത് സംബന്ധിച്ച് റവന്യൂ വകുപ്പ് ഉത്തരവിറക്കി. ഭൂമി ഏറ്റെടുക്കാൻ ചുമതലപ്പെടുത്തിയ ഉദ്യോഗദസ്ഥരെ തിരിച്ചുവിളിച്ചു. ഉദ്യോഗസ്ഥരെ മറ്റ് അത്യാവശ്യ പദ്ധതികളിലേക്ക്...

ഖത്തർ ലോകകപ്പ്: സ്പെയിനും ജർമനിയും സമനിലയിൽ പിരിഞ്ഞു

ലോകകപ്പിലെ ത്രില്ലെർ പോരാട്ടത്തിൽ സമനിലയിൽ പിരിഞ്ഞു സ്പെയിനും ജർമനിയും. ഇരു ടീമുകളും ഓരോ ഗോൾ വീതം നേടിയാണ് സമനില പിടിച്ചത്. ഗോൾ രഹിതമായ ആദ്യ പകുതിക്കു ശേഷം 62 ആം മിനിറ്റിൽ അൽവാരോ...