ഡേ കെയര്‍ സ്‌പൈന്‍ ശസ്ത്രക്രിയ കേന്ദ്രം ആരംഭിച്ച് ആസ്റ്റര്‍ മെഡ്‌സിറ്റി

കൊച്ചി, ഒക്ടോബർ 03-2022: നട്ടെല്ല് ശസ്ത്രക്രിയക്കായി എത്തുന്ന രോഗികള്‍ക്കായി ഡേ കെയര്‍ സ്‌പൈന്‍ ശസ്ത്രക്രിയ കേന്ദ്രം ആരംഭിച്ച് ആസ്റ്റര്‍ മെഡ്‌സിറ്റി . രോഗികള്‍ക്ക് ശസ്ത്രക്രിയയ്ക്ക് വിധേയരായി അതേ ദിവസം തന്നെ ഡിസ്ചാര്‍ജായി വീട്ടിലേക്ക് മടങ്ങാന്‍ സാധിക്കുന്ന രീതിയിലുള്ള നൂതന കേന്ദ്രമാണ് സജ്ജമാക്കിയിരിക്കുന്നത്. യുകെ ഹൗസ് ഓഫ് ലോര്‍ഡ്‌സിലെ സ്വതന്ത്ര അംഗമായ ജോണ്‍ ഡെസ്മണ്ട് ഫോര്‍ബ്‌സ് ആന്‍ഡേഴ്‌സണ്‍ (ലോര്‍ഡ് വേവര്‍ലി) ആണ് ഡേ കെയര്‍ സ്‌പൈന്‍ ശസ്ത്രക്രിയ സെന്റര്‍ ഉദ്ഘാടനം ചെയ്തത്. ഏറ്റവും കുറഞ്ഞ ആശുപത്രിവാസം സാധ്യമായ രോഗികളില്‍ ശസ്ത്രക്രിയയും നടപടിക്രമങ്ങളും ഒറ്റ ദിവസത്തില്‍ പൂര്‍ത്തിയാക്കുകയും, അതുവഴി അണുബാധയ്ക്കുള്ള സാധ്യത കുറയ്ക്കാനുമാണ് സെന്റര്‍ ലക്ഷ്യമിടുന്നത്. ഡേ കെയര്‍ സെന്റര്‍ പരമ്പരാഗത ശസ്ത്രക്രിയ രീതികളില്‍ മാറ്റം കൊണ്ടുവരുമെന്ന് ജോണ്‍ ഡെസ്മണ്ട് ഫോര്‍ബ്‌സ് ആന്‍ഡേഴ്‌സണ്‍ പറഞ്ഞു. നട്ടെല്ല് സംബന്ധമായ ശസ്ത്രക്രിയകള്‍ക്ക് കൂടുതല്‍ ആശുപത്രി വാസവും നിരീക്ഷണവും ആവശ്യമാണെന്ന പൊതുധാരണകളെ മാറ്റി എഴുതാനും ഡേ കെയര്‍ ആശയത്തിനാകുമെന്നും അദ്ദേഹം അഭിപ്രായപ്പെട്ടു.

വളരെ സുരക്ഷിതമായ കീഹോള്‍ സര്‍ജറി രീതിയാണ് സ്‌പൈന്‍ സര്‍ജറി ഡേ കെയര്‍ സെന്ററില്‍ സ്വീകരിച്ചിരിക്കുന്നത്. ശസ്ത്രക്രിയക്ക് ശേഷം ആശുപത്രിവാസം ആവശ്യമില്ല.വീട്ടിലെ വിശ്രമം കൊണ്ട് തന്നെ സുഖംപ്രാപിക്കാന്‍ സാധിക്കും .ഏറ്റവും ലളിതമായ നടപടിക്രമങ്ങളുള്ള നട്ടെല്ല് ശസ്ത്രക്രിയകളാണ് ഡേകെയര്‍ സര്‍ജറികള്‍. ഡിസ്‌ക് പ്രോലാപ്സ്, സ്‌പൈന്‍ ഫ്രാക്ചര്‍, സ്‌പൈനല്‍ ട്യൂമര്‍, സ്‌പൈനല്‍ ഡീജനറേറ്റീവ് ഡിസോര്‍ഡേഴ്‌സ് എന്നിവയ്ക്കായി ഏറ്റവും കുറവ് മുറിവുകളുള്ള ശസ്ത്രക്രിയകളും സെന്ററില്‍ നടക്കും.

ജനങ്ങള്‍ക്ക് അത്യാധുനിക ചികിത്സ സൗകര്യങ്ങള്‍ ലഭ്യമാക്കാന്‍ ആസ്റ്റര്‍ മെഡ്സിറ്റി പ്രതിജ്ഞാബന്ധമാണെന്നും, പുതിയ ഡേ കെയര്‍സ്‌പൈന്‍ ശസ്ത്രക്രിയ സെന്റര്‍ രോഗികള്‍ക്ക് വലിയ രീതിയില്‍ പ്രയോജനം ചെയ്യുമെന്നും ആസ്റ്റര്‍ ഹോസ്പിറ്റല്‍സ് കേരള ആന്റ് ഒമാന്‍ റീജിയണല്‍ ഡയറക്ടര്‍ ഫര്‍ഹാന്‍ യാസീന്‍ പറഞ്ഞു. ശസ്ത്രക്രിയയ്ക്ക് ശേഷം രോഗികള്‍ക്ക് അവരുടെ സാധാരണ ജീവിതത്തിലേക്ക് വളരെ വേഗം മടങ്ങാനാവും. ആരോഗ്യ സേവന രംഗത്തെ മുന്‍നിര പോരാളികള്‍ എന്ന നിലയില്‍ രോഗികളുടെ ക്ഷേമം ഉറപ്പാക്കുന്ന ഇത്തരത്തിലുള്ള വിപുലമായ സൗകര്യങ്ങള്‍ ആസ്റ്റര്‍ മെഡ്‌സിറ്റി തുടര്‍ന്നും അവതരിപ്പിക്കുമെന്നും ഫര്‍ഹാന്‍ യാസീന്‍ വ്യക്തമാക്കി.

യുകെ ഹൗസ് ഓഫ് ലോര്‍ഡ്‌സിലെ സ്വതന്ത്ര അംഗമായ ജോണ്‍ ഡെസ്മണ്ട് ഫോര്‍ബ്‌സ് ആന്‍ഡേഴ്‌സണ്‍, ഫര്‍ഹാന്‍ യാസീന്‍, ആസ്റ്റര്‍ മെഡ്‌സിറ്റി ന്യൂറോസ്‌പൈന്‍ സര്‍ജറി കണ്‍സള്‍ട്ടന്റ് ഡോ. അനുപ് പി നായര്‍,
സീനിയര്‍ കണ്‍സള്‍ട്ടന്റ് – ന്യൂറോ സര്‍ജറി ഡോ ദീലീപ് പണിക്കര്‍,ആസ്റ്റര്‍ മെഡ്‌സിറ്റി ഡയറക്ടര്‍ ഓഫ് മെഡിക്കല്‍ അഫയേഴ്‌സ് ഡോ. ടി ആര്‍ ജോണ്‍, കണ്‍സള്‍ട്ടന്റ്-ഓര്‍ത്തോപീഡിക് സ്‌പൈന്‍ സര്‍ജറി ഡോ.രഞ്ജിത്ത് കെ.ആര്‍ തുടങ്ങിയവര്‍ ചടങ്ങില്‍ സംസാരിച്ചു.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

കോസ്മെറ്റിക്ക് സർജറി നിത്യയൗവനത്തിലേക്കുള്ള മാർഗമോ?

  Dr. Krishna Kumar KS Senior Consultant - Microvascular Surgery, Aster MIMS Calicut മനുഷ്യൻ ഉണ്ടായ കാലം മുതലെ തുടങ്ങിയതാണ് സൗന്ദര്യവും നിത്യയൗവ്വനവും സ്വപ്നം കണ്ടുള്ള നമ്മുടെ യാത്ര. ബി.സി അറുന്നൂറാം നൂറ്റാണ്ടിൽ...

രാജ്യത്തെ ആറ് സംസ്ഥാനങ്ങൾ കൂടി 5ജി സേവനത്തിലേക്ക്തുടക്കമിട്ട് ജിയോ

രാജ്യത്തെ ആറ് സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ചു. വടക്കുകിഴക്കൻ സംസ്ഥാനങ്ങളിലേക്ക് റിലയൻസ് ജിയോ ആണ് 5ജി സേവനങ്ങൾ കൊണ്ടുവരുന്നത്. അരുണാചൽ പ്രദേശ്, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര എന്നീ സംസ്ഥാനങ്ങളാണ്...

‘ബി.ബി.സി ഡോക്യുമെന്ററി’ ട്വിറ്റര്‍ സെന്‍സര്‍ ചെയ്തതെന്ന് റിപ്പോര്‍ട്ട്; പ്രതികരിച്ച്‌ ഇലോണ്‍ മസ്ക്

ഗുജറാത്ത് വംശഹത്യയെ കുറിച്ചുള്ള ബി.ബി.സി ഡോക്യുമെന്ററി 'ഇന്ത്യ: ദി മോദി ക്വസ്റ്റ്യന്‍' രാജ്യത്ത് നിരോധിച്ചത് വലിയ പ്രതിഷേധങ്ങള്‍ക്കാണ് വഴിവെച്ചിരിക്കുന്നത്. ബി.ജെ.പിയുടെ തടയല്‍ ശ്രമങ്ങളെ അതിജീവിച്ച്‌ രാജ്യവ്യാപകമായി ഡോക്യുമെന്ററിയുടെ പൊതുപ്രദര്‍ശനങ്ങള്‍ പൊടിപൊടിക്കുകയാണ്. യൂട്യൂബിന് പുറമേ, ഫേസ്ബുക്ക്, ട്വിറ്റര്‍...