ബിജെപി നേതാവ് സുൽഫിക്കര്‍ ഖുറേഷി കൊല്ലപ്പെട്ടു

വിവരാവകാശ പ്രവർത്തകനും ബിജെപി നേതാവുമായ സുൽഫിക്കര്‍ ഖുറേഷി കൊല്ലപ്പെട്ടു.ഡൽഹിയിലെ നന്ദ്നഗരിയിൽ വെടിയേറ്റ നിലയിലാണ് അദ്ദേഹത്തെ കണ്ടെത്തിയത്. ഇന്ന് രാവിലെ ഏഴ് മണിയോടെ ആയിരുന്നു സംഭവം. വ്യക്തി വൈരാഗ്യമാണ് കൊലപാതകത്തിന് പിന്നിലെന്നാണ് പ്രാഥമിക നിഗമനം. ഖുറേഷിയുടെ തലയ്ക്കാണ് വെടിയേറ്റത്. ഗുരുതരമായി പരിക്കേറ്റ ഖുറേഷിയുടെ മകൻ ആശുപത്രിയിൽ ചികിത്സയിലാണ്. മകനെ മൂര്‍ച്ചയുള്ള കത്തി കൊണ്ട് പരിക്കേല്‍പ്പിച്ച സംഘം രക്ഷപ്പെടുകയായിരുന്നു. ഖുറേഷിയെ ഉടൻ തന്നെ ആശുപത്രിയിലേക്ക് എത്തിച്ചെങ്കിലും ജീവൻ രക്ഷപ്പെടുത്താൻ സാധിച്ചില്ല.