ലക്ഷദ്വീപിന്റെ സുരക്ഷ വര്‍ദ്ധിപ്പിച്ച്‌ കേന്ദ്രസര്‍ക്കാര്‍

ലക്ഷദ്വീപിനും പരിസരപ്രദേശങ്ങളിലുമടക്കം തീരസുരക്ഷ വര്‍ദ്ധിപ്പിച്ച്‌ കേന്ദ്രസര്‍ക്കാര്‍. ലക്ഷദ്വീപ് ഡെവലപ്‌മെന്റ് കോര്‍പറേഷനാണ് ഉത്തരവ് പുറപ്പെടുവിച്ചത്. സുരക്ഷ ലെവല്‍ 2 എന്ന തലത്തിലേക്കാണ് വര്‍ദ്ധിപ്പിച്ചത്. സംശയാസ്പദ സാഹചര്യത്തില്‍ എന്തുകണ്ടാലും അറിയിക്കാന്‍ ദ്വീപ് നിവാസികള്‍ക്ക് നിര്‍ദ്ദേശം നല്‍കിയിട്ടുണ്ട്. ലെവല്‍ 2 സുരക്ഷയില്‍ പ്രദേശത്തിന്റെ സമ്ബൂര്‍ണ്ണ സുരക്ഷയാണ് ലക്ഷ്യമിടുന്നത്.

ലക്ഷദ്വീപിനെ ലക്ഷ്യമാക്കിയുള്ള അന്താരാഷ്ട്ര ഭീകരസംഘടനകളുടെ നീക്കത്തെ ചെറുക്കാനാണ് കേന്ദ്രസര്‍ക്കാര്‍ നടപടികള്‍ ആരംഭിച്ചത്.ദ്വീപുകളെ കേന്ദ്രീകരിച്ച്‌ എല്ലാ സമുദ്രമേഖലകളിലും ഭീകരസംഘടനകള്‍ പിടിമുറുക്കുന്ന അവസ്ഥയാണ് ആഗോളതലത്തില്‍ എല്ലാ രാജ്യങ്ങള്‍ക്കും ഭീഷണിയാകുന്നത്. ലക്ഷദ്വീപിനെ കേന്ദ്രീകരിച്ച്‌ പാകിസ്താന്‍ വഴിയുള്ള മയക്കുമരുന്ന് കടത്തല്‍ ഈയിടെയാണ് കോസ്റ്റ്ഗാര്‍ഡ് പിടികൂടിയത്.

ഇന്ത്യന്‍ മഹാസമുദ്രത്തിലെ മാലിദ്വീപിലെ ഐ.എസ് ബന്ധമുള്ളവര്‍ നടത്തിയ ബോംബ് സ്‌ഫോടനം എന്നിവ കേന്ദ്രസര്‍ക്കാര്‍ അതീവഗൗരവത്തോടെയാണ് കാണുന്നത്. മാലിദ്വീപ് മറ്റൊരു രാജ്യമാണെങ്കിലും ഇന്ത്യന്‍ സൈന്യത്തിന്റെ സഹായത്താലാണ് ബാഹ്യസുരക്ഷാ കാര്യങ്ങള്‍ കൈകാര്യം ചെയ്യുന്നത്. അതേ സമയം ലക്ഷദ്വീപിലെ കൊവിഡ് പ്രോട്ടോക്കോള്‍ പരിഷ്ക്കാരങ്ങള്‍ ചോദ്യം ചെയ്തുള്ള ഹര്‍ജികള്‍ ഹൈക്കോടതി തള്ളി.

പതിനാല് ദിവസത്തെ നിരീക്ഷണത്തിന് ശേഷം മാത്രമേ ദ്വീപിലേക്ക് വരാവു എന്ന വ്യവസ്ഥ എടുത്തുകളഞ്ഞതിന് എതിരെയായിരുന്നു ദ്വീപ് നിവാസികളുടെ ഹര്‍ജി. അഡ്മിനിസ്ട്രേറ്ററുടെ ഈ പരിഷ്കാരം രോഗവ്യാപനം വര്‍ധിപ്പിച്ചെന്നായിരുന്നു ഹര്‍ജിയിലെ പ്രധാന വാദം.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

പഞ്ചാബില്‍ കുഴല്‍ക്കിണറില്‍ വീണ 6 വയസ്സുകാരന്‍ മരിച്ചു

  ബെയ്‌റാംപൂര്‍: പഞ്ചാബിലെ ബെയ്‌റാംപൂരില്‍ 300 അടി താഴ്ചയുള്ള കുഴല്‍ക്കിണറില്‍ വീണ ആറ് വയസ്സുകാരന്‍ മരിച്ചു. തെരുവുനായ്ക്കള്‍ വിടാതെ പിന്തുടര്‍ന്ന് ഓടുമ്ബോഴാണ് ഋത്വിക് എന്ന കുട്ടി കുഴല്‍ക്കിണറിലേക്ക് പതിച്ചത്. ഒമ്ബത് മണിക്കൂറിനു ശേഷമാണ് പുറത്തെടുക്കാനായത്. 65 മീറ്റര്‍ താഴെ...

പെട്രോള്‍ വില ഇനി ദിവസവും വികസിക്കും; കേന്ദ്രത്തെ പരിഹസിച്ച് രാഹുല്‍ ഗാന്ധി

ഇന്ധനവില കുറച്ചതുമായി ബന്ധപ്പെട്ട കേന്ദ്രസര്‍ക്കാര്‍ നിലപാടില്‍ പരിഹാസം രേഖപ്പെടുത്തി കോണ്‍ഗ്രസ് നേതാവ് രാഹുല്‍ ഗാന്ധി. പെട്രോള്‍ വില ഇനി ദിവസവും വികസിക്കും എന്നാണ് കേന്ദ്രത്തെ പരിഹസിച്ച് രാഹുല്‍ ഗാന്ധി പറഞ്ഞത്. ട്വിറ്ററിലൂടെയായിരുന്നു അദ്ദേഹത്തിന്റെ...

തൊഴിലധിഷ്ഠിത മാസീവ്  ഓപ്പണ്‍ ഓണ്‍ലൈന്‍ കോഴ്്‌സുകള്‍ വികസിപ്പിച്ച് കുസാറ്റ്

  കൊച്ചി: സമൂഹത്തിലെ എല്ലാ ആളുകളിലേക്കും പ്രത്യേകിച്ച്് ഏറ്റവും പിന്നോക്കം നില്‍ക്കുന്നവര്‍ക്ക്് അവരുടെ അറിവിന്റെ ചക്രവാളങ്ങള്‍ വിശാലമാക്കുന്നതിനും മികച്ച അദ്ധ്യാപന-പഠന വിഭവങ്ങളിലേക്കുള്ള പ്രവേശനത്തിനും സവിശേഷമായ ഒരു വിദ്യാഭ്യാസ അവസരം സൃഷ്ടിക്കുക എന്ന ലക്ഷ്യത്തോടെ കൊച്ചി...