കോവിഡ് സെസ് ഏര്‍പ്പെടുത്താനൊരുങ്ങി കേന്ദ്രം

ബജറ്റിൽ കോവിഡ് സെസ് ഏർപ്പെടുത്താനൊരുങ്ങി കേന്ദ്ര സർക്കാർ. കോവിഡ് വാക്‌സിൻ്റെ വിതരണത്തിനുള്ള അധികച്ചിലവുകള്‍ പരിഹരിക്കുക എന്ന ലക്ഷ്യമാണ് ഈ നീക്കത്തിന് പിന്നിൽ. സെസ് ഏർപ്പെടുത്താൻ തീരുമാനമായാൽ ഉയർന്ന വരുമാനമുള്ളവര്‍ക്കാകും അധിക നികുതി ചുമത്തുക. ഫെബ്രുവരി ഒന്നിനുള്ള ബജറ്റില്‍ സെസ് പ്രഖ്യാപനം ഉണ്ടായേക്കുമെന്നാണ് റിപ്പോർട്ട്. മുൻപ് കോവിഡ് സെസ് ഏര്‍പ്പെടുത്താന്‍ കേന്ദ്രം നീക്കം നടത്തിയിരുന്നെങ്കിലും പ്രതിപക്ഷപാര്‍ട്ടികളുടെ എതിര്‍പ്പിനെ തുടര്‍ന്ന് പിന്മാറുകയായിരുന്നു.