ജനങ്ങളുടെ പിന്തുണയോടെ തന്നെ കെ റെയില്‍ പദ്ധതി നടപ്പാക്കുമെന്ന് മുഖ്യമന്ത്രി പിണറായി വിജയന്‍. നാടിന്‌റെ പുരോഗതിയ്ക്കാണ് കോണ്‍ഗ്രസ് ഇപ്പോള്‍ തടസ്സം നില്‍ക്കുന്നത്. കഴിഞ്ഞ ദിവസങ്ങളായി കണ്ടു വരുന്ന പ്രതിഷേധങ്ങള്‍ വികസനത്തിനെതിരാണ്.
ബി.ജെ.പിയും സമാന നിലപാട് സ്വീകരിക്കുന്നു. ജനങ്ങള്‍ക്ക് കാര്യം മനസിലാകുന്നുണ്ടെന്നും അദ്ദേഹം പറഞ്ഞു. കൊല്ലത്ത് കെ.എസ്.ടി.എ സംസ്ഥാനസമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി.ലഎന്തെല്ലാം നടപ്പിലാക്കും എന്ന് സര്‍ക്കാര്‍ പറഞ്ഞിട്ടുണ്ടോ അതെല്ലാം ജനങ്ങളുടെ പിന്തുണയോടെ നടപ്പാക്കും, പ്രഖ്യാപിച്ച പദ്ധതികള്‍ ഒന്നും കടലാസില്‍ ഒതുങ്ങില്ലെന്നും മുഖ്യമന്ത്രി വ്യക്തമാക്കി.
അതിനിടെ, മലപ്പുറം തിരൂര്‍ വെങ്ങാലൂരില്‍ സില്‍വര്‍ ലൈന്‍ പദ്ധതിയുടെ ഭാഗമായി കല്ല് സ്ഥാപിക്കുന്നതിന് എതിരെ പ്രതിഷേധം. ഉദ്യോഗസ്ഥര്‍ സ്ഥാപിച്ച കല്ല് വീട്ടമ്മ പിഴുതുമാറ്റി. വന്‍ പൊലീസ് സന്നാഹവും ക്യംപ് ചെയ്യുന്നു.
