ഡൽഹിയിൽ കോവിഡ് മൂന്നാംഘട്ട വ്യാപനം ആരംഭിച്ചിരിക്കുന്നു. പുതിയതായി 8500ലധികം പേർക്കാണ് കൊറോണ വൈറസ് രോഗം ബാധിച്ചിരിക്കുന്നത്. അതേസമയം കോവിഡ് വാക്സിന്റെ മൂന്നാംഘട്ട മരുന്ന് പരീക്ഷണം പൂർത്തിയായതായി സിറം ഇൻസ്റ്റിറ്റ്യൂട്ട് അറിയിച്ചു.
ഡൽഹിയിൽ നാലിൽ ഒരാൾക്ക് കോവിഡ് ബാധിച്ചെന്നും എല്ലാ വീടുകളിലും രോഗബാധ ഉണ്ടായെന്നും ഡൽഹി ഹൈക്കോടതി നിരീക്ഷിച്ചു. 4ആം ഘട്ട സെറോ സർവെ റിപ്പോർട്ട് ചൂണ്ടിക്കാട്ടിയാണ് നിരീക്ഷണം. സർവെയുടെ ഭാഗമായ 25% പേരിൽ ആന്റിബോഡി കണ്ടെത്തി. ഇത്തരം സാഹചര്യം നിലനിൽക്കുമ്പോഴും ഡൽഹി സർക്കാർ എന്തുകൊണ്ടാണ് മാനദണ്ഡങ്ങളിൽ ഇളവ് വരുത്തുന്നത് എന്നും കോടതി ചോദിച്ചു. കോവിഡ് വാക്സിന്റെ മൂന്നാമത് മരുന്നു പരീക്ഷണം പൂർത്തിയായതായി സിറം ഇൻസ്റ്റിട്യൂട്ടും ഐ.സി.എം.ആറും അറിയിച്ചു.
