നിയമസഭാ തെരഞ്ഞെടുപ്പ്‌; പത്തനംതിട്ടയില്‍ തോല്‍പ്പിച്ചത്‌ 
നേതാക്കളെന്ന്‌ പരാതി

നിയമസഭാ തെരഞ്ഞെടുപ്പിലെ പരാജയത്തിന് കാരണം ജില്ലയിലെ കോണ്‍ഗ്രസ് നേതൃത്വം തന്നെയെന്ന് സ്ഥാനാര്‍ഥികളും കോണ്‍ഗ്രസ് ഭാരവാഹികളും. തോല്‍വി പഠിക്കാന്‍ നിയോഗിച്ച കെപിസിസി സമിതി നടത്തിയ തെളിവെടുപ്പിലാണ് അടൂര്‍, തിരുവല്ല, റാന്നി മണ്ഡലങ്ങളില്‍ ഡിസിസി പ്രസിഡന്റ് അടക്കമുള്ള ജില്ലയിലെ പ്രധാന നേതാക്കളാണ് പാര്‍ടിയെ തോല്‍പിച്ചതെന്ന് പരാതി ലഭിച്ചത്. അടൂര്‍ മണ്ഡലത്തില്‍ യുഡിഎഫ് സ്ഥാനാര്‍ഥിയുടെ തെരഞ്ഞെടുപ്പ് പ്രവര്‍ത്തനങ്ങളിലേക്ക് നേതാക്കള്‍ തിരിഞ്ഞുനോക്കിയില്ല.

ദേശീയ നേതാക്കള്‍ എത്തിയപ്പോള്‍ അടൂര്‍ മണ്ഡലത്തെ അവഗണിച്ചു. തിരുവല്ല മണ്ഡലത്തിലെ തോല്‍വിക്ക് മുന്‍ രാജ്യസഭാ ഉപാധ്യക്ഷന്‍ പി ജെ കുര്യനെതിരെയും കോണ്‍ഗ്രസ് ഭാരവാഹികള്‍ പരാതിയുമായി രംഗത്തെത്തി. കേരള കോണ്‍ഗ്രസ് ജോസഫ് വിഭാഗത്തിനകത്തെ ചേരിതിരിവുകളും തിരുവല്ലയില്‍ തോല്‍വിക്ക് ഇടയാക്കി. മണ്ഡലങ്ങളിലെ യുഡിഎഫ് സ്ഥാനാര്‍ഥികളും ഭാരവാഹികളും നേരിട്ടെത്തിയാണ് പരാതി നല്‍കിയത്.

റാന്നിയിലെ യുഡിഎഫ് സ്ഥാനാര്‍ഥിയെ തോല്‍പിക്കാന്‍ ഡിസിസി ഭാരവാഹികള്‍ ഒത്തുചേര്‍ന്ന് പ്രവര്‍ത്തിച്ചു. സംഘടനയുടെ താഴേത്തട്ടിലുള്ളവര്‍ പറയുന്നതിന് വില നല്‍കാത്ത ഡിസിസി പ്രസിഡന്റും ഡിസിസി പ്രസിഡന്റിന്റെ അഭിപ്രായങ്ങളോട് യോജിക്കാനാവാത്ത പ്രവര്‍ത്തകരും തോല്‍വിക്ക് മറ്റൊരു കാരണമായി. സ്ഥാനാര്‍ഥി നിര്‍ണയം മുതല്‍ തുടങ്ങിയ തമ്മിലടി തെരഞ്ഞെടുപ്പ് പ്രവര്‍ത്തനങ്ങളിലും പ്രതിഫലിച്ചു. ബൂത്ത് തലത്തില്‍ പ്രവര്‍ത്തനങ്ങളെല്ലാം പാളി. സ്ഥാനാര്‍ഥികളുടെ അഭ്യര്‍ഥനകള്‍ പോലും ജനങ്ങളിലേക്ക് എത്തിക്കുന്നതില്‍ പരാജയപ്പെട്ടു. മുഖ്യമന്ത്രി ആരാകുമെന്ന കാര്യത്തിലെ തര്‍ക്കവും കോണ്‍ഗ്രസ് പ്രവര്‍ത്തകരില്‍ അവമതിപ്പ് ഉണ്ടാക്കിയിട്ടുണ്ട്.

ദിവസേന പാര്‍ടി വിട്ട് പ്രവര്‍ത്തകര്‍ പോകുന്നതിന്റെ ഉത്തരവാദിത്തവും നേതൃത്വത്തിനാണെന്ന് കോണ്‍ഗ്രസ് പ്രവര്‍ത്തകര്‍ പറയുന്നു. കോന്നി, ആറന്മുള മണ്ഡലങ്ങളിലെ തോല്‍വിയുമായി ബന്ധപ്പെട്ട തെളിവെടുപ്പ് ആഗസ്റ്റ് അഞ്ചിന് നടക്കും. കോന്നി ബ്ലോക്ക് പഞ്ചായത്ത് ഭരണം യുഡിഎഫിന് നഷ്ടമായതും വരും ദിവസങ്ങളില്‍ നേതൃത്വത്തിന് തിരിച്ചടിയാവാനാണ് സാധ്യത.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

നടിയെ ആക്രമിച്ച കേസ്; ദിലീപിന്റെ സുഹൃത്ത് ശരത്തിനെ ജാമ്യത്തിൽ വിട്ടു

നടിയെ ആക്രമിച്ച കേസിൽ അറസ്റ്റിലായ ദിലീപിന്റെ സുഹൃത്ത് ശരത്തിനെ ജാമ്യത്തിൽ വിട്ടയച്ചു. താൻ ഒരു തെറ്റും ചെയ്തിട്ടില്ലെന്നും സംവിധായകൻ ബാലചന്ദ്രകുമാറിന്റെ മൊഴി കളവാണെന്നും ശരത് പറഞ്ഞു. തെളിവ് നശിപ്പിക്കൽ, തെളിവ് ഒളിപ്പിക്കൽ അടക്കമുള്ള കുറ്റം...

തൃക്കാക്കര ഉപതിരഞ്ഞെടുപ്പ് പ്രമാണിച്ച് മുന്നണികൾ നേരിട്ട് വോട്ടഭ്യർത്ഥിച്ചെന്ന് സാബു എം ജേക്കബ്

തൃക്കാക്കര ഉപതിരഞ്ഞെടുപ്പിൽ മുന്നണികൾ നേരിട്ട് വോട്ടഭ്യർത്ഥിച്ചെന്ന് ട്വന്റി-ട്വന്റി ചീഫ് കോർഡിനേറ്റർ സാബു എം ജേക്കബ്. മൂന്ന് മുന്നണികളുടേയും സംസ്ഥാന തലത്തിലുള്ള നേതാക്കൾ നേരിട്ടും അല്ലാതെയും ട്വന്റി-20യുടെ സഹായം തേടിയെന്നാണ് സാബു എം ജേക്കബ്...

ദക്ഷിണാഫ്രിക്കക്കെതിരെ ധവാൻ ഇന്ത്യൻ ടീമിനെ നയിച്ചേക്കും; യുവതാരങ്ങൾക്ക് സാധ്യത

ദക്ഷിണാഫ്രിക്കക്കെതിരെ നാട്ടിൽ നടക്കുന്ന ടി-20 പരമ്പരയിൽ ഇന്ത്യൻ ടീമിനെ ശിഖർ ധവാൻ നയിച്ചേക്കുമെന്ന് റിപ്പോർട്ട്. രോഹിത് ശർമ്മ, വിരാട് കോലി, ജസ്പ്രീത് ബുംറ തുടങ്ങിയ മുതിർന്ന താരങ്ങൾക്കൊക്കെ വിശ്രമം അനുവദിക്കും. മലയാളി താരം...