ലോസ് എയ്ഞ്ചല്‍സ്: ദക്ഷിണ കാലിഫോര്‍ണിയയിലെ തിയേറ്ററില്‍ വെച്ച്‌ വെടിയേറ്റ് ചികിത്സയിലായിരുന്ന ടിക്ടോക് താരം ആന്‍റണി ബരാജസ് മരണത്തിന് കീഴടങ്ങി .ശനിയാഴ്ച തിയറ്ററില്‍ വെച്ച്‌ വെടിയേറ്റ ആന്‍റണിയുടെ സുഹൃത്ത് റൈലി ഗൂഡ്റിച്ചിന് സംഭവ സ്ഥലത്ത് വെച്ച്‌ തന്നെ മരണം സംഭവിച്ചിരുന്നു .
‘ദ ഫോറെവര്‍ പര്‍ജ്’ എന്ന ചിത്രം കാണാനെത്തിയപ്പോഴാണ് ആന്‍റണിക്കും റൈലിക്കും നേരെ വെടിവെപ്പുണ്ടായത് .കാണികള്‍ തീരെ കുറവായിരുന്ന ഷോയ് ക്ക് ശേഷമായിരുന്നു ഇരുവരുടെയും തലക്ക് നേരെ അക്രമി വെടിയുതിര്‍ത്തതെന്ന് തിയറ്റര്‍ ജീവനക്കാര്‍ പറഞ്ഞു.
സംഭവത്തില്‍ 20 കാരനായ ജോസ്ഫ് ജിമിനസിനെ പോലീസ് അറസ്റ്റ് ചെയ്തു. ദൃക്സാക്ഷികളുടെ മൊഴിയുടെ അടിസ്ഥാനത്തിലാണ് പ്രതിയെ വീട്ടിലെത്തി പൊലീസ് അറസ്റ്റ് ചെയ്തത്. അതെ സമയം പ്രതിക്ക് മരിച്ചവരുമായി ബന്ധമില്ലെന്നും കുറ്റകൃത്യത്തില്‍ മറ്റാര്‍ക്കും പങ്കില്ലെന്നും പൊലീസ് വെളിപ്പെടുത്തി .
ടിക്ടോക്കില്‍ 9,30,000 ഫോളോവേഴ്സുള്ള ആന്‍റണി ഹൈസ്കൂളിലെ പേരുകേട്ട ഫുട്ബാള്‍ കളിക്കാരനായിരുന്നു.
