വിധിയോട് പോരാടി അരുൺകുമാർ എന്ന കർഷകൻ

ജന്മനാ കാലുകൾക്ക് ശേഷിയില്ല, വ്യക്തമായി സംസാരിക്കാൻ കഴിയില്ല, പരസഹായം ഇല്ലാതെ ഒരു ഗ്ലാസ് വെള്ളം പോലും കുടിക്കാൻ പറ്റില്ല, പക്ഷേ തന്റെ ഈ പരിമിതികളെയെല്ലാം അതിജീവിച്ച് മുന്നേറുകയാണ് മലപ്പുറം സ്വദേശി അരുൺ.

വർഷങ്ങളായി കൃഷി ചെയ്ത് ജീവിക്കുന്നയാളാണ് അരുൺ. കൃഷി ചെയ്യാൻ ശാരീരിക ബലത്തെക്കാളും ആവശ്യം മനസ് ആണെന്നാണ് ഈ കർഷകൻ പറയുന്നത്. 52കാരനായ ഇദ്ദേഹത്തിന്റെ ഇരുകാലുകള്‍ക്കും ജനന സമയത്തു തന്നെ ശേഷി കുറവായിരുന്നു. എഴുന്നേറ്റ് നില്‍ക്കാനോ നടക്കാനോ അരുൺകുമാറിന് കഴിയില്ല. മുട്ടുകുത്തിയും കൈകള്‍ നിലത്തൂന്നി നിരങ്ങിയുമാണ് കൃഷിയിടത്തിലേക്ക് അരുൺ എത്തുന്നത്.

വീടിനോട് ചേര്‍ന്നുള്ള ഭൂമി പാട്ടത്തിനെടുത്തതാണ് ഇത്തവണ അരുൺ കൃഷിയിറക്കിയിരിക്കുന്നത്. ഇവിടെ 50 വാഴകൾ നട്ടു. ഇത് ആദ്യമായല്ല അരുൺ കൃഷി ചെയ്യുന്നത്. മുന്‍ വര്‍ഷങ്ങളില്‍ വാഴ, ചേമ്പ്, ചേന എന്നിവയല്ലൊം ഇതിലേറെ സ്ഥലത്ത് കൃഷി ചെയ്തിരുന്നു. വാഴക്ക് കുഴിയെടുക്കുന്നതും തൈ നടുന്നതും വളമിടുന്നതും എല്ലാം അരുണ്‍കുമാര്‍ തനിച്ചാണ്. രാവിലെ 6 മണിയോടെ കൃഷിയിടത്തിൽ എത്തുന്ന അരുൺകുമാർ ഉച്ചവരെ വയലില്‍ പണിയെടുക്കും.

അരുൺ ഒരു ഊർജ്ജം ആണ്, പ്രചോദനം ആണ്. ശരീരം അല്ല, മനസ്സാണ് എല്ലാത്തിനും അടിസ്ഥാനവും കരുത്തും എന്ന് തെളിയിക്കുകയാണ് അരുൺ തൻ്റെ ജീവിതത്തിലൂടെ.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

രാജ്യത്തെ കൊവിഡ് കേസുകളിൽ 23% വർധന, സജീവ കേസുകൾ ഒരു ലക്ഷത്തിനടുത്ത്

രാജ്യത്ത് കഴിഞ്ഞ 24 മണിക്കൂറിനിടെ 14,506 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ ദിവസത്തേക്കാൾ 23 ശതമാനം വർധനവാണ് ഉണ്ടായിരിക്കുന്നത്. സജീവ കേസുകളുടെ എണ്ണം ഒരു ലക്ഷത്തിനടുത്തെത്തി. പ്രതിദിന പോസിറ്റിവിറ്റി നിരക്ക് 3.35...

നടി മീനയുടെ ഭർത്താവ് വിദ്യാസാഗർ അന്തരിച്ചു

പ്രശസ്ത നടി മീനയുടെ ഭർത്താവ് വിദ്യാസാഗർ അന്തരിച്ചു. ചെന്നൈയിലെ സ്വകാര്യ ആശുപത്രിയിൽ ചികിത്സയിലിരിക്കെ ആയിരുന്നു അന്ത്യം. ശ്വാസകോശ സംബന്ധമായ അസുഖത്തെ തുടർന്നാണ് ആശുപത്രിയിൽ പ്രവേശിപ്പിച്ചത്. അണുബാധ രൂക്ഷമായതിനെ തുടർന്ന് ശ്വാസകോശം മാറ്റിവയ്ക്കണമെന്ന് ഡോക്ടർമാർ...

സ്വപ്‌ന സുരേഷ് പ്രതിയായ ഗൂഡാലോചന കേസ്; പി സി ജോര്‍ജിനെ തിരുവനന്തപുരത്ത് ചോദ്യം ചെയ്യും

തിരുവനന്തപുരം: മുഖ്യമന്ത്രിക്കെതിരായ ഗൂഡാലോചന കേസില്‍ മുന്‍ പൂഞ്ഞാര്‍ എം എല്‍ എ പി സി ജോര്‍ജിനെ ചോദ്യം ചെയ്യാനൊരുങ്ങി ക്രൈം ബ്രാഞ്ച്. ചോദ്യം ചെയ്യലിനായി വെള്ളിയാഴ്ച തിരുവനന്തപുരത്ത് ഹാജരാകാന്‍ നോട്ടീസ് നല്‍കും. സ്വര്‍ണക്കടത്തുമായി ബന്ധപ്പെട്ട് മുഖ്യമന്ത്രിയെ...