നിർധനരായ 20,000 കുട്ടികൾക്ക് അന്നമൊരുക്കി എലൈറ്റിന്റെ സ്ഥാപക ദിനാഘോഷം

 

● പങ്കാളിത്തം കൊണ്ട് ശ്രദ്ധേയമായി കൊച്ചിയിൽ നടന്ന മാരത്തോൺ
● കായികതാരങ്ങളെ അനുമോദിച്ചു

കൊച്ചി: എലൈറ്റ് ഫുഡ്‌സിന്റെ സ്ഥാപക ദിനത്തോട് അനുബന്ധിച്ച് കൊച്ചിയിൽ നടന്ന മാരത്തോണിൽ വൻ ജനപങ്കാളിത്തം. ഈ വർഷം ഇതുവരെ കൊച്ചി കണ്ടതിൽ വെച്ച് ഏറ്റവും വലിയ ജനക്കൂട്ടമാണ് മാരത്തോൺ കാണാനും ആഘോഷങ്ങളിൽ പങ്കുചേരാനും എത്തിയത്. മാരത്തോണിന് രജിസ്റ്റർ ചെയ്തവരുടെ എണ്ണം രണ്ടായിരം കടന്നു. നാർക്കോട്ടിക് വിഭാഗം അസിസ്റ്റന്റ് കമ്മീഷണർ ശ്രീ അബ്ദുൽ സലാം, കൊച്ചി സെൻട്രൽ പോലീസ് സ്റ്റേഷനിലെ സബ് ഇൻസ്‌പെക്ടർ ഫുൾജെൻ, എലൈറ്റ് ഫുഡ്സ് ഗ്രൂപ്പ് സെയിൽസ് സിഇഒ സാബു ജോസ്, ഡിജിഎം കെ.എൻ. രാമകൃഷ്ണൻ എന്നിവർ ചേർന്നാണ് വിവിധ വിഭാഗങ്ങളിലായി നടന്ന മാരത്തോണുകൾ ഫ്ലാഗ് ഓഫ് ചെയ്തത്.

പുലർച്ചെ നാല് മണിക്ക് ദർബാർ ഹാൾ ഗ്രൗണ്ടിൽ നിന്നാണ് മാരത്തോൺ തുടങ്ങിയത്. എലൈറ്റ് ജീവനക്കാരും അവരുടെ കുടുംബങ്ങളും നിരവധി കുട്ടികളും മാതാപിതാക്കളും മാരത്തോണിൽ പങ്കെടുത്തു. 21 കിലോമീറ്റർ, 10 കിലോമീറ്റർ, 5 കിലോമീറ്റർ, 2 കിലോമീറ്റർ, എന്നിങ്ങനെ നാല് വിഭാഗങ്ങളിലായിട്ടായിരുന്നു ഓട്ടം. 2 കിലോമീറ്റർ മാരത്തോൺ കുട്ടികൾക്ക് വേണ്ടിയുള്ളതായിരുന്നു. എല്ലാ വിഭാഗങ്ങളിലും ഒന്നാം സ്ഥാനത്തെത്തിയ സ്ത്രീകൾക്കും പുരുഷന്മാർക്കും ക്യാഷ് പ്രൈസും നൽകി. 45,000, 25,000, 10,000, 5,000 എന്നിങ്ങനെയായിരുന്നു സമ്മാനം. ഓരോ മത്സരാർഥിയും എത്ര കിലോമീറ്റർ ഒടുന്നോ, അത്രയും കുട്ടികൾക്ക് ഭക്ഷണം എത്തിക്കും എന്നായിരുന്നു എലൈറ്റ് ഗ്രൂപ്പ് പ്രഖ്യാപിച്ചിരുന്നത്.

എറണാകുളം എംപി ഹൈബി ഈഡൻ, എംഎൽഎ ടിജെ വിനോദ്, റബ്ബർ ബോർഡ് എക്സിക്യൂട്ടീവ് ഡയറക്ടർ ഡോ. കെഎൻ രാഘവൻ ഐആർഎസ് എന്നിവരാണ് സമ്മാനങ്ങൾ വിതരണം ചെയ്തത്. ലോങ്ങ് ജംപിൽ ഏഷ്യൻ ഗോൾഡ് മെഡൽ ജേതാവ് ടിസി യോഹന്നാൻ, കേരള ഫുട്ബോൾ ടീമിന്റെ ക്യാപ്റ്റൻ സിസി ജേക്കബ്, ഇന്ത്യയുടെയും കേരളത്തിന്റെയും ഫുട്ബോൾ ടീമുകൾക്ക് വേണ്ടി കളിച്ച എംഎം ജേക്കബ്, ഇന്ത്യൻ വനിതാ ഫുട്ബോൾ ടീം വൈസ് ക്യാപ്റ്റൻ സിവി സീന, ഷട്ടിൽ ബാഡ്മിന്റണിൽ അർജുന അവാർഡ് നേടിയ ജോർജ് തോമസ്, ലോക പഞ്ചഗുസ്തി ചാമ്പ്യനും 28 ലോകമെഡലുകളുടെ ജേതാവുമായ ജേക്കബ് മാത്യു എന്നിവരെ ചടങ്ങിൽ ആദരിച്ചു.

എലൈറ്റ് ഫുഡ്സ് ആൻഡ് ഇന്നോവേഷൻ ഗ്രൂപ്പിന്റെ ഡയറക്ടർ ശ്രീമതി. ധനേസ രഘുലാൽ, പ്രസിഡന്റ് ശ്രീ. രഘുറാം, സിഇഒയും ഡയറക്ടറുമായ ശ്രീ പ്രതിഭാ സ്മിതൻ, ഗ്രൂപ്പ് ഡയറക്ടർ കെ. ശ്രീറാം, എച്ച്.ആർ വിഭാഗം മേധാവി ബിജോയ് ഫ്രാൻസിസ്, എലൈറ്റ് ഡെവലപ്പേഴ്‌സിന്റെ ഡയറക്ടറും സി.ഒ.ഒ യുമായ അർജുൻ രാജീവൻ എന്നിവർ സന്നിഹിതരായിരുന്നു.

എലൈറ്റ് ഫുഡ്‌സ് ആൻഡ് ഇന്നൊവേഷൻ ഗ്രൂപ്പിന്റെ സ്ഥാപകരുടെ വിഷനായ “ദി ഫുഡ് ഫാക്ടറി ഓഫ് ദി വേൾഡ്” എന്നതുമായി ബന്ധപ്പെട്ട് എല്ലാ വർഷവും ജനുവരി 23 ന് ആണ് അതിന്റെ സ്ഥാപക ദിനം ആചരിക്കുന്നത് . ശ്രീ. രഘുലാലിന്റെ സംരംഭകത്വ ബോധവും നൂതനമായ സമീപനവുമാണ് എലൈറ്റ് ഫുഡ്‌സിന് ജന്മം നൽകിയത്.
ഭക്ഷ്യവ്യവസായത്തിനുള്ളിലെ സാധ്യതകൾ അദ്ദേഹത്തിന് മുൻകൂട്ടി കാണാൻ കഴിഞ്ഞു, അങ്ങനെയാണ് എലൈറ്റ് ഫുഡ് അരൂരിൽ ആദ്യത്തെ അത്യാധുനിക ബ്രെഡ് ഉൽപ്പാദന കേന്ദ്രം സ്ഥാപിച്ചുകൊണ്ട് അതിന്റെ ആദ്യ ചുവടുകൾ എടുത്തത്.

ഗ്രൂപ്പ് തുടർച്ചയായ നാഴികക്കല്ലുകൾ പിന്നിട്ടെങ്കിലും, വിജയത്തോടുള്ള അതിന്റെ സമീപനം മാറ്റമില്ലാതെ തുടരുന്നു: ഗുണനിലവാരമുള്ള ഉൽപ്പന്നങ്ങൾ, ഉപഭോക്തൃ ആവശ്യങ്ങളെക്കുറിച്ചുള്ള അവബോധം, പരിസ്ഥിതിയെ സംയോജിപ്പിക്കുന്ന സുസ്ഥിര വികസനത്തിൽ ശ്രദ്ധ കേന്ദ്രീകരിക്കുക മുതലായവയാണ്. ശ്രീ. രഘുലാൽ ഒരു വ്യവസായി, മനുഷ്യസ്‌നേഹി, സാംസ്‌കാരിക പ്രവർത്തകൻ എന്ന നിലയിൽ പ്രഗത്ഭനാണ്.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

കോസ്മെറ്റിക്ക് സർജറി നിത്യയൗവനത്തിലേക്കുള്ള മാർഗമോ?

  Dr. Krishna Kumar KS Senior Consultant - Microvascular Surgery, Aster MIMS Calicut മനുഷ്യൻ ഉണ്ടായ കാലം മുതലെ തുടങ്ങിയതാണ് സൗന്ദര്യവും നിത്യയൗവ്വനവും സ്വപ്നം കണ്ടുള്ള നമ്മുടെ യാത്ര. ബി.സി അറുന്നൂറാം നൂറ്റാണ്ടിൽ...

രാജ്യത്തെ ആറ് സംസ്ഥാനങ്ങൾ കൂടി 5ജി സേവനത്തിലേക്ക്തുടക്കമിട്ട് ജിയോ

രാജ്യത്തെ ആറ് സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ചു. വടക്കുകിഴക്കൻ സംസ്ഥാനങ്ങളിലേക്ക് റിലയൻസ് ജിയോ ആണ് 5ജി സേവനങ്ങൾ കൊണ്ടുവരുന്നത്. അരുണാചൽ പ്രദേശ്, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര എന്നീ സംസ്ഥാനങ്ങളാണ്...

‘ബി.ബി.സി ഡോക്യുമെന്ററി’ ട്വിറ്റര്‍ സെന്‍സര്‍ ചെയ്തതെന്ന് റിപ്പോര്‍ട്ട്; പ്രതികരിച്ച്‌ ഇലോണ്‍ മസ്ക്

ഗുജറാത്ത് വംശഹത്യയെ കുറിച്ചുള്ള ബി.ബി.സി ഡോക്യുമെന്ററി 'ഇന്ത്യ: ദി മോദി ക്വസ്റ്റ്യന്‍' രാജ്യത്ത് നിരോധിച്ചത് വലിയ പ്രതിഷേധങ്ങള്‍ക്കാണ് വഴിവെച്ചിരിക്കുന്നത്. ബി.ജെ.പിയുടെ തടയല്‍ ശ്രമങ്ങളെ അതിജീവിച്ച്‌ രാജ്യവ്യാപകമായി ഡോക്യുമെന്ററിയുടെ പൊതുപ്രദര്‍ശനങ്ങള്‍ പൊടിപൊടിക്കുകയാണ്. യൂട്യൂബിന് പുറമേ, ഫേസ്ബുക്ക്, ട്വിറ്റര്‍...