ഇന്ത്യയിൽ വൻ വളർച്ചയുണ്ടാക്കി ഗൂഗിൾ

ഇന്ത്യയിൽ ഞെട്ടിക്കുന്ന വളർച്ചയുണ്ടാക്കി ഗൂഗിൾ. കഴിഞ്ഞ സാമ്പത്തിക വർഷത്തിൽ കമ്പനിയുടെ വരുമാനം 34.8 ശതമാനം ആയും ലാഭം 24 ശതമാനമായും ആണ് ഉയര്‍ന്നത്. കമ്പനിയുടെ വരുമാനത്തിലെ 27 ശതമാനവും പരസ്യങ്ങളിൽ നിന്നുള്ളതാണ്. ലാഭത്തോടൊപ്പം കമ്പനിയുടെ ചെലവും വർധിച്ചിട്ടുണ്ട്. ഐടി അനുബന്ധ സേവനങ്ങളില്‍ നിന്ന് 32 ശതമാനം വരുമാനവും ഐടി സേവനങ്ങളില്‍ നിന്നുള്ള വരുമാനം 41 ശതമാനവുമാണ്. കഴിഞ്ഞ സാമ്പത്തിക വര്‍ഷത്തില്‍ ഗൂഗിളിന്റെ ഇന്ത്യയിലെ ആകെ വരുമാനം 4147 കോടിയായിരുന്നു. എന്നാൽ അത് 2019-20 കാലത്ത് 5593.8 കോടിയായി ഉയര്‍ന്നു. 2018-19 ല്‍ ലാഭം 472.8 കോടിയായിരുന്നത് 2019-20 ല്‍ 586.2 കോടിയായി.