നെടുങ്കണ്ടം: കോണ്ഗ്രസ് നേതാക്കള് പരസ്പര ആരോപണ-പ്രത്യാരോപണവുമായി രംഗത്ത്്. ജില്ല പ്രസിഡന്റിനെതിരെ കെ.പി.സി.സി നിര്വാഹക സമിതി അംഗവും ഇദ്ദേഹത്തെ പാര്ട്ടിയില്നിന്ന് പുറത്താക്കണമെന്ന് ആവശ്യപ്പെട്ട്്്് ഡി.സി.സി സെക്രട്ടറിമാരും ബ്ലോക്ക് പ്രസിഡന്റുമാരും രംഗത്ത്.
തെരഞ്ഞെടുപ്പ് പരാജയത്തിെന്റ ഉത്തരവാദിത്തം പരസ്പരം ആരോപിച്ചാണ് ഇവര് കൊമ്ബുകോര്ക്കുന്നത്. ഇടുക്കി ഡി.സി.സി പ്രസിഡന്റ്് ഇബ്രാഹിംകുട്ടി കല്ലാറിെന്റ നേതൃത്വത്തില് തദ്ദേശ തെരഞ്ഞെടുപ്പിെന്റ മറവില് വന് സാമ്ബത്തിക തട്ടിപ്പ് നടത്തിയതായാണ് കെ.പി.സി.സി നിര്വാഹക സമിതി അംഗം ശ്രീമന്ദിരം ശശികുമാര് ആരോപിക്കുന്നത്.
വിവിധ ആവശ്യങ്ങള്ക്കായി പാര്ട്ടിയുടെ പേരില് പിരിച്ച കോടികള് എവിടെയെന്ന് ഡി.സി.സി വ്യക്തമാക്കിയിട്ടില്ലെന്നും പണം കൈയില് ഉണ്ടായിരുന്നിട്ടും പാവപ്പെട്ട സ്ഥാനാര്ഥികള്ക്കുപോലും തെരഞ്ഞെടുപ്പ് സമയത്ത് സാമ്ബത്തിക സഹായം നല്കാന് ഡി.സി.സി പ്രസിഡന്റ് തയാറായില്ലെന്നുമാണ് ശ്രീമന്ദിരം ആരോപിക്കുന്നത്.
ഈ വിഷയത്തില് കെ.പി.സി.സിക്കും എ.ഐ.സി.സിക്കും പരാതി നല്കിയതായും ശ്രീമന്ദിരം അറിയിച്ചു.അതിനിടെ കെ.പി.സി.സി നിര്വാഹക സമിതി അംഗം ശ്രീമന്ദിരം ശശികുമാറിനെ പാര്ട്ടിയില്നിന്ന് പുറത്താക്കണമെന്ന് ആവശ്യപ്പെട്ട് ഡി.സി.സി സെക്രട്ടറിമാരും ബ്ലോക്ക് പ്രസിഡന്റുമാരും കെ.പി.സി.സി പ്രസിഡന്റിന് പരാതി നല്കിയിരിക്കുകയാണ്.
തെരഞ്ഞെടുപ്പ് സമയത്ത്് തുടര്ച്ചയായി കോണ്ഗ്രസ് നേതാക്കള്ക്കെതിരെ പ്രവര്ത്തിക്കുകയും ജില്ല കോണ്ഗ്രസ് അധ്യക്ഷനെ അപമാനിക്കുകയും വാര്ത്തസമ്മേളനങ്ങള് വിളിച്ച് അടിസ്ഥാനരഹിത ആരോപണം ഉന്നയിക്കുകയും ചെയ്തതായാണ് ശ്രീമന്ദിരത്തിനെതിരായ ആരോപണം. തദ്ദേശ തെരഞ്ഞെടുപ്പില് പാമ്ബാടുംപാറ പഞ്ചായത്ത് അടക്കം യുഡി.എഫിന് നഷ്ടപ്പെടാന് പ്രധാന പങ്കുവഹിച്ചയാളാണ് ശ്രീമന്ദിരമെന്നും തെരഞ്ഞെടുപ്പില് പാര്ട്ടിക്കുവേണ്ടി ഒരു മണിക്കൂര്പോലും പ്രവര്ത്തിച്ചിട്ടില്ലെന്നും കത്തില് പറയുന്നു.
20 വര്ഷമായി ശ്രീമന്ദിരത്തിെന്റ വാര്ഡില് ബി.ജെ.പിയും സി.പി.എമ്മുമാണ് വിജയിക്കുന്നത്. ഇത്തവണ തെരഞ്ഞെടുപ്പില് സീറ്റ് ലഭിക്കാത്തതിെന്റ അമര്ഷത്തിലാണ് ഡി.സി.സി പ്രസിഡന്റിനെതിരെ ആരോപണങ്ങള് ഉന്നയിക്കുന്നതെന്നും നേതാക്കള് കത്തില് ചൂണ്ടിക്കാട്ടി.
ശ്രീമന്ദിരത്തിനെതിരെ അടിയന്തര നടപടി ആവശ്യപ്പെട്ട് മുന്നൂറോളം പേര് ഒപ്പിട്ട്്് കെ.പി.സി.സിക്ക് പരാതി അയച്ചിട്ടുണ്ടെന്നും നേതാക്കള് അറിയിച്ചു. പ്രവര്ത്തകരുടെ രോഷം കണക്കിലെടുത്ത് ഇനി കെ.പി.സി.സിയുടെ അറിയിപ്പ് ലഭിക്കാതെ മണ്ഡലം, േബ്ലാക്ക് കമ്മിറ്റികളില് ശശികുമാറിനെ വിളിക്കേണ്ടതില്ലെന്ന് േബ്ലാക്ക് കമ്മിറ്റികള് തീരുമാനിച്ചു