നിർണായക ഇന്ത്യ-ശ്രീലങ്ക മൂന്നാം ടി-20 ഇന്ന്

ഇന്ത്യ-ശ്രീലങ്ക മൂന്നാം ടി-20 ഇന്ന്. രണ്ട് മത്സരങ്ങൾ അവസാനിച്ചപ്പോൾ ഓരോ മത്സരം വീതം വിജയിച്ച് ഇരു ടീമുകളും പരമ്പരയിൽ ഒപ്പത്തിനൊപ്പം നിൽക്കുകയാണ്. ഈ മത്സരത്തിൽ വിജയിക്കുന്ന ടീം പരമ്പര സ്വന്തമാക്കും. ഏകദിന പരമ്പര ഇന്ത്യക്ക് മുന്നിൽ അടിയറ വെക്കേണ്ടിവന്നതോടെ ടി-20 പരമ്പരയെങ്കിലും വിജയിക്കാനാണ് ശ്രീലങ്കയുടെ ശ്രമം. അതേസമയം, 8 താരങ്ങൾ ഐസൊലേഷനിലും ഒരാൾ ക്വാറൻ്റീനിലുമായതോടെ ഒരു ബാറ്റ്സ്മാൻ കുറഞ്ഞ ഇന്ത്യക്ക് വിജയിച്ച് റെക്കോർഡ് നേടാനാവും ശ്രമം. ഇന്ന് രാത്രി 8 മണിക്ക് കൊളംബോയിലെ ആർ പ്രേമദാസ സ്റ്റേഡിയത്തിലാണ് മത്സരം

ആകെ അഞ്ച് ബാറ്റ്സ്മാന്മാർ മാത്രമാണ് രണ്ടാം മത്സരത്തിൽ ഇന്ത്യക്കായി കളത്തിലിറങ്ങിയത്. പഴകിയ പിച്ചിൽ ബാറ്റിംഗ് വളരെ ദുഷ്കരമായിരുന്നു. 6 ബൗളർമാരുമായി ഇറങ്ങിയ ഇന്ത്യ അവസാനം വരെ പൊരുതിയെങ്കിലും 4 വിക്കറ്റ് ജയം കുറിച്ച ശ്രീലങ്ക ഇന്നത്തെ കളിയിലും സമാന പ്രകടനത്തിനുള്ള ശ്രമത്തിലാണ്. 9 പേർ ടീമിൽ നിന്ന് പുറത്തായതോടെ കൃത്യം 11 പേരാണ് ഇന്ത്യയുടെ പ്രധാന ടീമിൽ ബാക്കിയുണ്ടായിരുന്നത്. 5 നെറ്റ് ബൗളർമാരെ ടീമിൽ ഉൾപ്പെടുത്തിയെങ്കിലും പ്രധാന ടീമിൽ ഉൾപ്പെട്ടിരുന്ന നവദീപ് സെയ്നിയെത്തന്നെ ഇന്ത്യ ഫീൽഡിൽ ഇറക്കി. എന്നാൽ, സെയ്നിക്ക് പരുക്ക് കാരണം ഒരു പന്ത് പോലും എറിയാൻ കഴിഞ്ഞിരുന്നില്ല. അതുകൊണ്ട് തന്നെ നെറ്റ് ബൗളർമാരിൽ ആരെയെങ്കിലും ഇന്ത്യ ഇന്ന് ടീമിൽ പരിഗണിച്ചേക്കും. മലയാളി താരം സന്ദീപ് വാര്യർ ഉൾപ്പെടെ അഞ്ച് നെറ്റ് ബൗളർമാരാണ് ഉള്ളത്. ഇവരിൽ തന്നെ ഇഷാൻ പോറൽ, സന്ദീപ് വാര്യർ എന്നിവർക്കാണ് സാധ്യത കൂടുതൽ ഐപിഎലിലെ തകർപ്പൻ പ്രകടനം അർഷ്ദീപ് സിംഗിനും സാധ്യത നൽകും.

ആദ്യ മത്സരത്തിൽ 27 റൺസെടുത്ത് ഭേദപ്പെട്ട പ്രകടനം നടത്തിയ സഞ്ജുവിന് രണ്ടാം മത്സരത്തിൽ അടിപതറി. 13 പന്തുകൾ നേരിട്ട താരം 7 റൺസ് മാത്രമെടുത്ത് പുറത്താവുകയായിരുന്നു. ബാറ്റിംഗ് ദുഷ്കരമായ പിച്ചാണെന്നത് സമ്മതിക്കുമ്പോൾ തന്നെ സഞ്ജുവിൻ്റെ പ്രകടനം നിരാശപ്പെടുത്തുന്നതാണ്. കഴിഞ്ഞ മത്സരം നടന്ന അതേ സ്റ്റേഡിയത്തിലാണ് ഇന്നത്തെ മത്സരവും നടക്കുക. അതുകൊണ്ട് തന്നെ രണ്ടാമത്തെ മത്സരത്തിൽ കളിച്ചതിനെക്കാൾ ദുഷ്കരമായ പിച്ചിലാവും ഇന്ന് കളിക്കേണ്ടത്. ഏറെ പ്രിയപ്പെട്ട മൂന്നാം നമ്പർ ദേവദത്തിനു വേണ്ടി ഒഴിഞ്ഞുകൊടുക്കേണ്ടിവന്നത് സഞ്ജുവിന് തിരിച്ചടി ആയെങ്കിലും ഏത് സാഹചര്യത്തിലും ടീമിനു വേണ്ടി മികച്ച പ്രകടനം നടത്തുക എന്നതാണ് പ്രധാനം. അതുകൊണ്ട് തന്നെ ഇന്നത്തെ കളിയിൽ മികച്ച പ്രകടനം കെട്ടഴിക്കാനായില്ലെങ്കിൽ സഞ്ജുവിൻ്റെ രാജ്യാന്തര കരിയർ തന്നെ അവസാനിച്ചേക്കും

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

ഹിഗ്വിറ്റ സിനിമയുമായി ബന്ധപ്പെട്ട വിവാദം: പേര് വിലക്കി ഫിലിം ചേംബർ

ഹിഗ്വിറ്റ സിനിമയുമായി ബന്ധപ്പെട്ട വിവാദത്തിൽ ചിത്രത്തിന് ‘ഹിഗ്വിറ്റ’ എന്ന പേര് വിലക്കി ഫിലിം ചേംബർ. ഹിഗ്വിറ്റ എൻ.എസ് മാധവന്റെ പ്രശസ്തമായ നോവലെന്നും ചേംബർ. അതേസമയം ഹിഗ്വിറ്റ എന്ന പേര് പിൻവലിക്കില്ലെന്ന നിലപാട് സംവിധായകൻ...

‘ക്ഷണിക്കപ്പെട്ടത് ജൂറി തലവനായി, ചെയ്തത് എന്റെ ജോലി മാത്രം’; കശ്മീര്‍ ഫയല്‍സ് വിവാദത്തില്‍ വിശദീകരണവുമായി നാദവ് ലാപിഡ്

‘ദ കശ്മീര്‍ ഫയല്‍സ്’ സിനിമയെ വള്‍ഗര്‍, പ്രൊപ്പഗാണ്ട എന്നു വിശേഷിപ്പിച്ച ഗോവന്‍ ചലച്ചിത്രമേള ജൂറി തലവനും ഇസ്രയേലി ചലച്ചിത്ര സംവിധായകനുമായ നാദവ് ലാപിഡിനെതിരെ വിമര്‍ശനം ശക്തമാകുകയാണ്. ഈ ചിത്രം കണ്ടിട്ട് അസ്വസ്ഥതയും നടുക്കവുമുണ്ടായെന്നും ഈ...

പ്രീക്വാര്‍ട്ടര്‍ പോരാട്ടങ്ങള്‍ ഇന്ന് മുതല്‍

ഫിഫ 2022 ഖത്തര്‍ ലോകകപ്പ് ഫുട്ബോള്‍ അതിന്‍റെ രണ്ടാം ഘട്ടത്തില്‍. ലെവല്‍ 2ല്‍ ഇന്ന് മുതല്‍ പ്രീക്വാര്‍ട്ടര്‍ പോരാട്ടങ്ങള്‍. ജയിക്കുന്ന ടീമിനു മാത്രമേ ഇന്നുമുതല്‍ ഖത്തറില്‍ സ്ഥാനമുള്ളൂ. അതുകൊണ്ടുതന്നെ ജയം മാത്രം ലക്ഷ്യംവച്ച്‌ ഇന്നു...