സൗത്താഫ്രിക്കയ്ക്കെതിരായ തകര്‍പ്പന്‍ വിജയം, ഏകദിന ക്രിക്കറ്റില്‍ അഭിമാന നേട്ടം കുറിച്ച്‌ ഇന്ത്യന്‍ ടീം

സൗത്താഫ്രിക്കയ്ക്കെതിരായ ഏകദിന പരമ്ബരയിലെ രണ്ടാം മത്സരത്തിലെ വിജയത്തോടെ ഏകദിന ക്രിക്കറ്റില്‍ മറ്റൊരു ടീമിനും നേടാന്‍ സാധിക്കാത്ത റെക്കോര്‍ഡ് സ്വന്തമാക്കി ഇന്ത്യ.

റാഞ്ചിയില്‍ നടന്ന മത്സരത്തില്‍ 7 വിക്കറ്റിനായിരുന്നു ഇന്ത്യ വിജയം കുറിച്ചത്. മത്സരത്തില്‍ സൗത്താഫ്രിക്ക ഉയര്‍ത്തിയ 270 റണ്‍സിന്‍്റെ വിജയലക്ഷ്യം 25 പന്തുകള്‍ ശേഷിക്കെ ഇന്ത്യന്‍ യുവനിര മറികടന്നു. ഈ വിജയത്തോടെ ഏകദിന ക്രിക്കറ്റില്‍ ചേസിങില്‍ 300 വിജയം ഇന്ത്യന്‍ ടീം സ്വന്തമാക്കി.

ഏകദിന ക്രിക്കറ്റില്‍ ചേസിങില്‍ 300 മത്സരങ്ങള്‍ വിജയിക്കുന്ന ആദ്യ ടീമെന്ന അഭിമാനനേട്ടം ഇതോടെ ഇന്ത്യന്‍ ടീം സ്വന്തമാക്കി. 257 വിജയം നേടിയിട്ടുള്ള ഓസ്ട്രേലിയ, 237 വിജയം നേടിയ വെസ്റ്റിന്‍ഡീസ് എന്നീ ടീമുകളാണ് ഈ നേട്ടത്തില്‍ ഇന്ത്യയ്ക്ക് പുറകിലുള്ളത്.

അന്താരാഷ്ട്ര ടി20 ക്രിക്കറ്റിലും ചേസിങില്‍ ഏറ്റവും കൂടുതല്‍ വിജയം നേടിയ ടീം ഇന്ത്യ തന്നെയാണ്. 60 മത്സരങ്ങളില്‍ ഇന്ത്യ ചേസ് ചെയ്ത് വിജയിച്ചിട്ടുണ്ട്.

111 പന്തില്‍ 113 റണ്‍സ് നേടിയ ശ്രേയസ് അയ്യരും 84 പന്തില്‍ 93 റണ്‍സ് നേടിയ ഇഷാന്‍ കിഷനുമാണ് മത്സരത്തില്‍ ഇന്ത്യയ്ക്ക് വേണ്ടി തിളങ്ങിയത്. സഞ്ജു സാംസണ്‍ 36 പന്തില്‍ 30 റണ്‍സ് നേടി പുറത്താകാതെ നിന്നു. മത്സരത്തിലെ വിജയത്തോടെ പരമ്ബരയില്‍ ഇന്ത്യ സൗത്താഫ്രിക്കയ്ക്കൊപ്പമെത്തി. നാളെയാണ് പരമ്ബരയിലെ മൂന്നാം മത്സരം നടക്കുന്നത്.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

ഇന്ധന സെസ് പിൻവലിക്കില്ല: കെഎൻ ബാലഗോപാൽ

നവകേരള സൃഷ്ടിക്കായുള്ള പ്രവർത്തനങ്ങളുമായി മുന്നോട്ട് പോകുമെന്ന് ധനമന്ത്രി കെ.എൻ ബാലഗോപാൽ. ക്ഷേമ പദ്ധതികൾ തുടരാൻ നികുതി നിർദേശങ്ങൾ അതെ രീതിയിൽ തുടരും. പെട്രോളിനും ഡീസലിനും ഏർപ്പെടുത്തിയ സെസ് പിൻവലിക്കില്ലെന്നും ധനമന്ത്രി വ്യക്തമാക്കി. അതെസമയം,...

പ്രണയ ദിനം കൗ ഹഗ്ഗ് ഡേ ആചരിക്കും: നിർദ്ദേശവുമായി കേന്ദ്രം

പ്രണയ ദിനം കൗ ഹഗ്ഗ് ഡേ ആചരിക്കാൻ കേന്ദ്ര  നിർദേശം. കേന്ദ്ര മൃഗസംരക്ഷണ ബോർഡാണ് ‘കൗ ഹഗ് ഡേ’ എന്ന നിർദേശം നൽകിയത്.  മൃഗങ്ങളോടുള്ള അനുകമ്പ വളർത്തുകയാണു ഇതിലൂടെ ലക്ഷ്യമെന്ന്    വിശദീകരണം....

മാളികപ്പുറം സിനിമയുടെ അന്‍പതാം ദിനാഘോഷത്തിന്റെ ഭാഗമായി അന്‍പത് കുട്ടികള്‍ക്ക് മജ്ജമാറ്റിവെക്കല്‍ ശസ്ത്രക്രിയക്കുള്ള സഹായം നല്‍കും

  കോഴിക്കോട് : മാളികപ്പുറം സിനിമയുടെ അന്‍പതാം ദിനാഘോഷത്തിന്റെ ഭാഗമായി നിർദ്ധന കുടുംബങ്ങളിലെ അന്‍പത് കുഞ്ഞുങ്ങള്‍ക്ക് ബോണ്‍മാരോ ട്രാന്‍സ്പ്ലാന്റ് നിര്‍വ്വഹിക്കുന്നതിനുള്ള സഹായം നല്‍കുമെന്ന് നിര്‍മ്മാതാവ് ആന്റോ ജോസഫ് അറിയിച്ചു. കേരളത്തിലെ ആസ്റ്റര്‍ ഹോസ്പിറ്റലുകളുമായി സഹകരിച്ചാണ്...