കേരള ബ്ലാസ്റ്റേഴ്‌സ് ഇന്ന് ജംഷഡ്പൂരിനെതിരേ

കൊച്ചി: സ്വന്തം തട്ടകത്തില്‍ തുടര്‍ച്ചയായ നാലാം വിജയം ലക്ഷ്യമിട്ട് കേരള ബ്ലാസ്റ്റേഴ്‌സ്. കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍ രാത്രി 7.30നു നടക്കുന്ന പുതുവര്‍ഷത്തെ ആദ്യമത്സരത്തില്‍ ജംഷഡ്പുര്‍ എഫ്‌സിക്കെതിരേയാണു ബ്ലാസ്റ്റേഴ്‌സ് ഗ്രൗണ്ടിലിറങ്ങുന്നത്.
കഴിഞ്ഞ ഏഴു മത്സരങ്ങളില്‍ തോല്‍വിയറിയാതെ മുന്നേറുന്ന ബ്ലാസ്റ്റേഴ്‌സ് മികച്ച ഫോമിലാണ്. 11 മത്സരങ്ങളില്‍നിന്ന് 22 പോയിന്‍റുമായി നാലാം സ്ഥാനത്തുള്ള ടീമിന് ഇന്നു ജയിച്ചാല്‍ എടികെ മോഹന്‍ബഗാനെ പിന്നിലാക്കി വീണ്ടും മൂന്നാമതെത്താം.

കഴിഞ്ഞ മത്സരത്തില്‍ ഒരു ഗോളിനു ജയിച്ച്‌ ബ്ലാസ്റ്റേഴ്‌സ് ഒഡീഷ എഫ്‌സിയോടു കണക്കു തീര്‍ത്തിരുന്നു. 70-ാം മിനിറ്റില്‍ രാഹുലിനു പകരക്കാരനായി ഇറങ്ങിയ നിഹാല്‍ സുധീഷിന്‍റെ പ്രകടനവും ആത്മവിശ്വാസം കൂട്ടുന്നതാണ്. നിഹാലിന് ഇന്നും അവസരം ലഭിച്ചേക്കും. തുടര്‍ച്ചയായ നാലു മഞ്ഞക്കാര്‍ഡുകള്‍ കണ്ട ഇവാന്‍ കലിയൂഷ്‌നിക്ക് ഇന്നു കളിക്കാനാവില്ല.

അതേസമയം, പ്യൂട്ടിയയുടെ എടികെ ബഗാനിലേക്കുള്ള മാറ്റം ടീമിനെ ബാധിക്കില്ലെന്നു കോച്ച്‌ ഇവാന്‍ വുകോമനോവിച്ച്‌ പറയുന്നു. നിലവില്‍ യുക്രെയ്ന്‍ ക്ലബ്ബില്‍നിന്നു ലോണ്‍ അടിസ്ഥാനത്തില്‍ കളിക്കുന്ന ഇവാന്‍ കലിയൂഷ്‌നിയെ ബ്ലാസ്റ്റേഴ്‌സില്‍ നിലനിര്‍ത്താന്‍ ആവുന്നതെല്ലാം ചെയ്യുമെന്നും കോച്ച്‌ കൂട്ടിച്ചേര്‍ത്തു.

സീസണില്‍ ഒരു വിജയം മാത്രമുള്ള ജംഷഡ്പുര്‍ നിലവില്‍ അഞ്ചു പോയിന്‍റുമായി പത്താം സ്ഥാനത്താണ്. ക്യാപ്റ്റനും ഇംഗ്ലീഷ് ഡിഫന്‍ഡറുമായ പീറ്റര്‍ ഹാര്‍ട്ട്‌ലിയുടെ പുറത്താകലിനുശേഷമുള്ള ടീമിന്‍റെ ആദ്യ മത്സരംകൂടിയാണ് ഇന്ന്.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

കോസ്മെറ്റിക്ക് സർജറി നിത്യയൗവനത്തിലേക്കുള്ള മാർഗമോ?

  Dr. Krishna Kumar KS Senior Consultant - Microvascular Surgery, Aster MIMS Calicut മനുഷ്യൻ ഉണ്ടായ കാലം മുതലെ തുടങ്ങിയതാണ് സൗന്ദര്യവും നിത്യയൗവ്വനവും സ്വപ്നം കണ്ടുള്ള നമ്മുടെ യാത്ര. ബി.സി അറുന്നൂറാം നൂറ്റാണ്ടിൽ...

രാജ്യത്തെ ആറ് സംസ്ഥാനങ്ങൾ കൂടി 5ജി സേവനത്തിലേക്ക്തുടക്കമിട്ട് ജിയോ

രാജ്യത്തെ ആറ് സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ചു. വടക്കുകിഴക്കൻ സംസ്ഥാനങ്ങളിലേക്ക് റിലയൻസ് ജിയോ ആണ് 5ജി സേവനങ്ങൾ കൊണ്ടുവരുന്നത്. അരുണാചൽ പ്രദേശ്, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര എന്നീ സംസ്ഥാനങ്ങളാണ്...

‘ബി.ബി.സി ഡോക്യുമെന്ററി’ ട്വിറ്റര്‍ സെന്‍സര്‍ ചെയ്തതെന്ന് റിപ്പോര്‍ട്ട്; പ്രതികരിച്ച്‌ ഇലോണ്‍ മസ്ക്

ഗുജറാത്ത് വംശഹത്യയെ കുറിച്ചുള്ള ബി.ബി.സി ഡോക്യുമെന്ററി 'ഇന്ത്യ: ദി മോദി ക്വസ്റ്റ്യന്‍' രാജ്യത്ത് നിരോധിച്ചത് വലിയ പ്രതിഷേധങ്ങള്‍ക്കാണ് വഴിവെച്ചിരിക്കുന്നത്. ബി.ജെ.പിയുടെ തടയല്‍ ശ്രമങ്ങളെ അതിജീവിച്ച്‌ രാജ്യവ്യാപകമായി ഡോക്യുമെന്ററിയുടെ പൊതുപ്രദര്‍ശനങ്ങള്‍ പൊടിപൊടിക്കുകയാണ്. യൂട്യൂബിന് പുറമേ, ഫേസ്ബുക്ക്, ട്വിറ്റര്‍...