കേരളത്തില്‍ യു.ഡി.എഫ് സര്‍ക്കാര്‍ അധികാരത്തില്‍ വരേണ്ടത് അനിവാര്യമെന്ന് നടന്‍ ജ​ഗദീഷ്

തിരുവനന്തപുരം: കേരളത്തില്‍ യു.ഡി.ഫ് അധികാരത്തില്‍ വരേണ്ടത് അനിവാര്യമാണെന്ന് നടന്‍ ജ​ഗദീഷ്. സംസ്ഥാനത്തെ 140 നിയോജക മണ്ഡലങ്ങളിലേക്കുള്ള യുഡിഎഫ് സ്ഥാനര്‍ത്ഥികളുടെ പ്രചരണത്തിനുള്ള വീഡിയോ ഷൂട്ടിങ്ങിനിടെയാണ് ജഗദീഷ് ഇക്കാര്യം പറഞ്ഞത്. ഇത്തവണ യു‍.ഡി.എഫിന്റെ വിജയത്തിനായി മലയാള സിനിമാ രംഗത്തെ യു.ഡി.എഫ് അനുകൂല താരങ്ങളെല്ലാം അണിനിരക്കും. പത്രികയിലെ പത്ത് ജനോപകാര പ്രദമായ വാ​ഗ്ദാനങ്ങളാണ് യു.ഡി.എഫ് ചിത്രീകരിക്കുന്നത്. ഇത്തരമൊരു ആശയവുമായി മുന്നോട്ട് വന്നതിനു പിന്നിലുള്ള കാരണം തന്റെ അഭിനയ മേഖലയിലെ അനുഭവ സമ്ബത്ത് പാര്‍ട്ടിക്ക് വേണ്ടി ഉപയോ​ഗപ്പെടുത്താന്‍ ആ​ഗ്രഹിക്കുന്നതിന്റെ ഭാഗമായാണെന്നും അദ്ദേഹം പറഞ്ഞു. പ്രശസ്ത സംവിധായകനും, നിര്‍മ്മാതാവുമായ രഞ്ജിത്താണ് വീഡിയോ സംവിധാനം ചെയ്യുന്നത്. അടുത്ത ദിവസം തന്നെ വീഡിയോ എല്ലാ മണ്ഡലത്തിലും പ്രചരണത്തിനായി എത്തിക്കാനല്ല ശ്രമം തുടരുന്നു. അതേസമയം, സര്‍ക്കാര്‍ സ്കൂളില്‍ വീഡിയോ ഷൂട്ട് നടന്നത് പെരുമാറ്റ ചട്ടം ലംഘിച്ചാണെന്ന ആരോപണവും ഉയര്‍ന്നിട്ടുണ്ട്.