കെഎം ഷാജിയുടെ വീട്ടില്‍ റെയ്ഡ്: വിജിലന്‍സ് കണ്ടെത്തിയതില്‍ വിദേശ കറന്‍സിയും ഭൂമിയിടപാട് രേഖകളും

കെ എം ഷാജിയുടെ വീട്ടില്‍ നടന്ന വിജിലന്‍സ് റെയ്ഡ് വിവരങ്ങള്‍ കൈരളി ന്യൂസിന് ലഭിച്ചു. ഷാജിയുടെ സാമ്ബത്തിക – ഭൂമി ഇടപാടുമായി ബന്ധപ്പെട്ട 72 രേഖകള്‍ കോഴിക്കോട്ടെ വീട്ടില്‍ നിന്ന് പിടിച്ചെടുത്തു.

പരിശോധനയില്‍ വിദേശ കറന്‍സി ശേഖരവും കണ്ടെത്തി. വിദേശയാത്രയുമായി ബന്ധപ്പെട്ട ഷാജിയുടെ പാസ്പോര്‍ട്ട് രേഖകളും വിജിലന്‍സ് ശേഖരിച്ചു.

കെ എം ഷാജിയുടെ കോഴിക്കോട്, കണ്ണൂര്‍ വീടുകളില്‍ നടന്ന വിജിലന്‍സ് റെയ്ഡില്‍ നിര്‍ണ്ണായക വിവരങ്ങള്‍ അന്വേഷണ സംഘത്തിന് ലഭിച്ചു. ഷാജിയുടെ സാമ്ബത്തിക – ഭൂമി ഇടപാടുമായി ബന്ധപ്പെട്ട 72 രേഖകള്‍ കോഴിക്കോട്ടെ വീട്ടില്‍ നിന്ന് പിടിച്ചെടുത്തിട്ടുണ്ട്.

വിദേശ രാജ്യങ്ങളുടെ കറന്‍സികളും 16 മണിക്കൂര്‍ നീണ്ട പരിശോധനയില്‍ കണ്ടെത്തി. ഇവ മക്കളുടെ ശേഖരമെന്ന വിശദീകരണമാണ് ഷാജി വിജിലന്‍സിന് നല്‍കിയത്. എന്നാല്‍ വിദേശ കറന്‍സി ശേഖരം, മഹസറില്‍ രേഖപ്പെടുത്തിയാണ് തിരിച്ചേല്‍പ്പിച്ചത്. 40000 രൂപയും 491 ഗ്രാം സ്വര്‍ണ്ണാഭരണവും കോഴിക്കോട്ടെ വീട്ടില്‍ സൂക്ഷിച്ചിരുന്നു.

അനുവദനീയമായ അളവ് ആയതിനാല്‍ മഹസറില്‍ രേഖപ്പെടുത്തി ഇതും തിരിച്ചേല്‍പ്പിച്ചു. കണ്ണൂരിലെ വീട്ടില്‍ നിന്ന് പണം പിടികൂടിയത് സ്ഥിരീകരിച്ച ഷാജി കോഴിക്കോട്ടെ വസതിയില്‍ നിന്ന് രേഖകള്‍ ഒന്നും ലഭിച്ചില്ലെന്നാണ് മാധ്യമങ്ങളോട് പറഞ്ഞത്. വീട്ടുപകരണങ്ങളുടെ വാറന്‍്റി കാര്‍ഡുകള്‍ വിജിലന്‍സ് കൊണ്ടുപോയെന്ന് പറഞ്ഞ് പരിഹസിക്കുകയും ചെയ്തു.

വിദേശയാത്രയുമായി ബന്ധപ്പെട്ട ഷാജിയുടെ പാസ്പോര്‍ട്ട് രേഖകളും റെയ്ഡില്‍ വിജിലന്‍സ് ശേഖരിച്ചു. ഷാജി എംഎല്‍എ ആയശേഷം 28 തവണ വിദേശത്തേക്ക്‌ പറന്നിട്ടുണ്ട്‌. കോഴിക്കോട്‌ വിമാനത്താവളത്തില്‍നിന്ന്‌ ദോഹ, അബുദാബി, ഷാര്‍ജ, റിയാദ്‌ എന്നിവിടങ്ങളിലേക്കും തിരിച്ചുമായിരുന്നു യാത്രകളില്‍ ഭൂരിഭാഗവും.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

സ്വിസ് പടയെ കെട്ടുകെട്ടിച്ച്‌ പറങ്കികള്‍

ദോഹ: പ്രീക്വാര്‍ട്ടര്‍ പോരാട്ടത്തില്‍ സ്വിറ്റ്‌സര്‍ലന്‍ഡിനെ കെട്ടുകെട്ടിച്ച്‌ പറങ്കിപ്പട. ഒന്നിനെതിരെ ആറ് ഗോളുകള്‍ക്ക് സ്വിസ് പടയെ പരാജയപ്പെടുത്തി പറങ്കികള്‍ ക്വാര്‍ട്ടര്‍ ഫൈനലിലേയ്ക്ക് പ്രവേശിച്ചു. സൂപ്പര്‍ താരം ക്രിസ്റ്റ്യാനോ റൊണാള്‍ഡോയെ ആദ്യ ഇലവനില്‍ ഉള്‍പ്പെടുത്താതെയാണ് പ്രീക്വാര്‍ട്ടര്‍ പോരാട്ടത്തിന്...

കേരള ടെക്നോളജിക്കല്‍ യൂണിവേഴ്സിറ്റിയും ഐസിടി അക്കാഡമിയുമായി കൈകോര്‍ത്ത് ‘ഡിജിറ്റല്‍ യൂത്ത് ഹാക്കത്തോണ്‍’ അവതരിപ്പിച്ച് നെസ്റ്റ് ഡിജിറ്റല്‍

• സംസ്ഥാനത്തെ നിരവധി പ്രൊഫഷണൽ വിദ്യാര്‍ത്ഥികള്‍ക്ക് പദ്ധതി ഉപകാരപ്രഥമാകും • വിജയികള്‍ക്ക് 1 ലക്ഷം രൂപവരെ സമ്മാനവും നെസ്റ്റ് ഡിജിറ്റലില്‍ തൊഴിലവസരങ്ങളും കൊച്ചി, ഡിസംബര്‍ 7, 2022: കേരളത്തിലെ മുന്‍നിര വ്യവസായ സംരംഭമായ നെസ്റ്റ് ഗ്രൂപ്പിന്റെ...

ദക്ഷിണകൊറിയന്‍ സിനിമ കണ്ടതിന് ഉത്തരകൊറിയയില്‍ വിദ്യാര്‍ഥികള്‍ക്കു വധശിക്ഷ

സീയൂള്‍: അമേരിക്കയിലെയും ദക്ഷിണകൊറിയയിലെയും സിനിമകള്‍ കണ്ടതിന്‍റെ പേരില്‍ ഉത്തരകൊറിയയില്‍ രണ്ടു വിദ്യാര്‍ഥികളെ വധശിക്ഷയ്ക്കു വിധേയമാക്കിയതായി റിപ്പോര്‍ട്ട്. 16, 17 വയസുള്ള രണ്ട് ആണ്‍കുട്ടിളെയാണു വധിച്ചത്. ഒക്ടോബറില്‍ നടന്ന സംഭവം ഇപ്പോഴാണ് പുറംലോകമറിയുന്നതെന്ന് ഇന്‍ഡിപെന്‍ഡന്‍റ്, മിറര്‍ വെബ്സൈറ്റുകളിലെ...