കൊച്ചി> തദ്ദേശഭരണ തെരഞ്ഞെടുപ്പ് നീട്ടണമെന്നാവശ്യപ്പെട്ട് പി സി ജോര്‍ജ് എംഎല്‍എ
സമര്‍പ്പിച്ച പൊതുതാല്‍പ്പര്യ ഹര്‍ജി ഹൈക്കോടതി തള്ളി. കമ്മീഷന്റെ തീരുമാനത്തില്‍
തെറ്റില്ലന്ന് നിരീക്ഷിച്ചാണ് ചീഫ് ജസ്റ്റീസ് അധ്യക്ഷനായ ബഞ്ചിന്റെ ഉത്തരവ്.
രാഷ്ടീയ പാര്‍ട്ടികളും ആരോഗ്യ വകുപ്പധികൃതരും തെരഞ്ഞെടുപ്പുമായി ബന്ധപ്പെട്ട എല്ലാവരുമായുംചര്‍ച്ച നടത്തിയ ശേഷമാണ് കമ്മീഷന്റെ തീരുമാനമെന്നും കോടതി വ്യക്തമാക്കി.
തെരഞ്ഞെടുപ്പിനുള്ള ഒരുക്കങ്ങള്‍ പൂര്‍ത്തിയായിട്ടുണ്ടന്നും ഡിസംബര്‍ 31 ന് മുന്‍പ് വോട്ടെടുപ്പ് നടത്തുമെന്നും കമ്മീഷന്‍ അറിയിച്ചതും കോടതി കണക്കിലെടുത്തു.
കോവിഡ് പ്രോട്ടോകോള്‍ പാലിച്ച്‌ വോട്ടെടുപ്പിനുള്ളഎല്ലാ ഒരുക്കങ്ങളും പൂര്‍ത്തിയാക്കിയതായും കമ്മിഷന്‍ അറിയിച്ചു. കോവിഡ് പശ്ചാത്തലത്തില്‍ തെരഞ്ഞെടുപ്പ് മാറ്റിവെയ്ക്കണമെന്നാവശ്യപ്പെട്ടാണ് ജോര്‍ജ് കോടതിയെസമീപിച്ചത്.
