ലോക്ഡൗണ്‍ ഇളവുകള്‍ രോഗവ്യാപനത്തിന് ഇടയാക്കുന്നു,ഡെല്‍റ്റ അപകടകാരിയെന്നും ലോകാരോഗ്യ സംഘടന

കൊവിഡ് ലോകത്ത് ഒരിടത്തും ഇതുവരെ നിയന്ത്രണവിധേയമായിട്ടില്ലെന്ന് ലോകാരോഗ്യ സംഘടന ചീഫ് സയന്റിസ്റ്റ് സൗമ്യ സ്വാമിനാഥന്‍. ഇതിന് വ്യക്തമായി തെളിവുകളുണ്ടെന്നും അവര്‍ പറഞ്ഞു. ലോകത്ത് പലരാജ്യങ്ങളും ലോക്ഡൗണ്‍ നിയന്ത്രണങ്ങളില്‍ വലിയ ഇളവ് വരുത്തിയതും ജനങ്ങള്‍ കൂട്ടമായി പുറത്തിറങ്ങിയതും രോഗവ്യാപനം അതിവേഗമാകാന്‍ കാരണമായി. ഇപ്പോഴും പലയിടത്തും ഓക്സിജന്‍ ക്ഷാമവും ചികിത്സ സൗകര്യങ്ങളും കുറവുണ്ടെന്നും സൗമ്യ സ്വാമിനാഥന്‍ അഭിപ്രായപ്പെട്ടു.

ലോകത്തിന്‌റെ പല ഭാഗങ്ങളില്‍ ഡെല്‍റ്റ വകഭേദം അതിവേഗ പടര്‍ന്നു പിടിച്ചു കൊണ്ടിരിക്കുകയാണ്. വാക്‌സിനേഷനിലെ കുറവും പലയിടത്തും വലിയ രീതിയിലുളള രോഗവ്യാപനത്തിന് കാരണമാകുന്നു. ഇതുവരെ കണ്ടെത്തിയതില്‍ ഏറ്റവും അപകടകരവും അതിവേഗം പടരുന്നതുമായ വകഭേദമാണ് ഡെല്‍റ്റ. ആദ്യ ഘട്ടത്തില്‍ രോഗബാധിതനായ ഒരാളില്‍ നിന്ന് മൂന്ന് പേര്‍ക്കായിരുന്നു രോഗം സ്ഥിരീകരിച്ചിരുന്നതെങ്കില്‍ ഡെല്‍റ്റാ വകഭേദത്തില്‍ അത് എട്ടായി ഉയര്‍ന്നു എന്നും അവര്‍ പറഞ്ഞു.

കഴിഞ്ഞ 24 മണിക്കൂറിനിടെ ലോകത്ത് അഞ്ച് ലക്ഷം പുതിയ കേസുകളാണ് റിപ്പോര്‍ട്ട് ചെയ്തത്. മരണമടഞ്ഞവരോ 9300ഉം. ഇത് രോഗം പിന്‍വാങ്ങുന്നതിന്റെ ലക്ഷണമല്ല.’ കൊവിഡ് വ്യാപനം ശക്തമായി തുടരാന്‍ പ്രധാനമായും നാല് കാരണങ്ങളാണുളളത്. ഒന്ന് ഡെല്‍റ്റാ വകഭേദമാണ്, രണ്ടാമത് സാമൂഹികമായ ഇടപെടലുകളില്‍ വന്ന കൂടുതല്‍, മൂന്നാമത് ലോക്ഡൗണ്‍ നിയന്ത്രണങ്ങളില്‍ വന്ന ഇളവുകള്‍, നാലാമത് വാക്സിനേഷനിലെ കുറവാണ് എന്നാണ് സൗമ്യ സ്വാമിനാഥന്‍ പറയുന്നത്.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

മണിപ്പുര്‍ മണ്ണിടിച്ചിലില്‍ മരണം 81 ആയി

മണിപ്പുരില്‍ വ്യാഴാഴ്ച പുലര്‍ച്ചെയുണ്ടായ ഉരുള്‍പൊട്ടലില്‍ മരിച്ചവരുടെ എണ്ണം 81 ആയി. 55 പേരെ ഇനിയും കണ്ടെത്താനുണ്ട്. ടൊറിട്ടോറിയല്‍ ആര്‍മി ജവാന്മാരുള്‍പ്പടെ 18 പേരെ രക്ഷപ്പെടുത്തി. മുഖ്യമന്ത്രി എന്‍ ബീരേന്‍ സിങാണ് ഇക്കാര്യം മാധ്യമങ്ങളെ...

മുഖ്യമന്ത്രിക്കെതിരായ ഗൂഢാലോചന കേസില്‍ പ്രത്യേക പൊലീസ് സംഘം പി സി ജോര്‍ജിനെ ഇന്ന് ചോദ്യം ചെയ്യും

തിരുവനന്തപുരം: മുഖ്യമന്ത്രിക്കെതിരായ ഗൂഢാലോചന കേസില്‍ ഇന്ന് പ്രത്യേക പൊലീസ് സംഘം മുന്‍ എംഎല്‍എ പി സി ജോര്‍ജിനെ ചോദ്യം ചെയ്യും. 11 മണിക്ക് തിരുവനന്തപുരത്ത് ഹാജരാകണമെന്നാവശ്യപ്പെട്ട് പൊലീസ് ജോര്‍ജിന് നോട്ടീസ് നല്‍കിയിരുന്നു. ഇന്ന് ഹാജരാകാമെന്നാണ് പിസി...

ആള്‍ട്ട്‌ന്യൂസ് സഹസ്ഥാപകന്‍ മുഹമ്മദ് സുബൈറിനെതിരേ കൂടുതല്‍ കുറ്റങ്ങള്‍ ചുമത്തി ഡല്‍ഹി പോലിസ്

ന്യൂഡല്‍ഹി:ആള്‍ട്ട്‌ന്യൂസ് സഹസ്ഥാപകന്‍ മുഹമ്മദ് സുബൈറിനെതിരെ കൂടുതല്‍ കുറ്റങ്ങള്‍ ചുമത്തി ഡല്‍ഹി പോലിസ്.തെളിവു നശിപ്പിക്കല്‍, ഗൂഢാലോചന, വിദേശ സംഭാവനാ ചട്ടത്തിന്റെ ലംഘനം എന്നീ കുറ്റങ്ങളാണ് എഫ്‌ഐആറില്‍ കൂട്ടിച്ചേര്‍ത്തത്.   ഐപിസി 201, 120 ബി വകുപ്പുകളാണ് സുബൈറിനെതിരെ...