മാവോയിസ്റ്റ് വേട്ട: സര്‍ക്കാരിനെ രൂക്ഷമായി വിമര്‍ശിച്ച്‌ കാനം


തിരുവനന്തപുരം: വയനാട് പടിഞ്ഞാറേത്തറ മീന്‍മുട്ടിയില്‍ മാവോയിസ്റ്റിനെ കൊലപ്പെടുത്തിയ സംഭവത്തില്‍ സംസ്ഥാന സര്‍ക്കാരിനെ വിമര്‍ശിച്ച്‌ സിപിഐ സംസ്ഥാന സെക്രട്ടറി കാനം രാജേന്ദ്രന്‍. മാവോയിസ്റ്റുകളെ വെടിവച്ച്‌ കൊല്ലുന്നത് ശരിയായ നിലപാടാണെന്ന് വിശ്വസിക്കുന്നില്ലെന്ന് കാനം പറഞ്ഞു.

മാവോയിസ്റ്റുകളെ വെടിവച്ച്‌ കൊന്ന് അവസാനിപ്പിക്കാമെന്ന ധാരണ കമ്യൂണിസ്റ്റ് പ്രസ്ഥാനങ്ങള്‍ക്കില്ല. ഇത്തരം സംഭവങ്ങള്‍ പുനഃപരിശോധിക്കണമെന്നും കാനം ആവശ്യപ്പെട്ടു.

പൊലീസ് നടപടികളെ കാനം തള്ളി. മാവോയിസ്റ്റുകളെ ഏകപക്ഷീയമായി ഇല്ലാതാക്കുന്ന രീതി കമ്യൂണിസ്റ്റ് പ്രസ്ഥാനങ്ങളുടെ മുഖത്ത് കരിവാരിതേയ്‌ക്കുന്നതിനു തുല്യമാണെന്നും പൊലീസും തണ്ടര്‍ബോള്‍ട്ടും ഇത് പുനഃപരിശോധിക്കാന്‍ തയ്യാറാകണമെന്നും കാനം ആവശ്യപ്പെട്ടു

വയനാട്ടിലേത് ഏകപക്ഷീയമായ ഏറ്റുമുട്ടല്‍ ആണെന്ന സംശയമാണ് മൃതദേഹം കാണാന്‍ ഇടയായ ജനപ്രതിനിധികള്‍ പങ്കുവച്ചതെന്നും കാനം പറഞ്ഞു.

സിപിഐയ്‌ക്കുള്ളില്‍ അസ്വാരസ്യങ്ങളുണ്ടെന്ന തരത്തില്‍ പുറത്തുവന്ന വാര്‍ത്തകളെ കാനം പൂര്‍ണമായി തള്ളി. മുന്നണിക്കുള്ളില്‍ എന്തൊക്കെയോ കുഴപ്പങ്ങളുണ്ടെന്ന തരത്തില്‍ പുറത്തുവന്ന വാര്‍ത്തകള്‍ ശുദ്ധ അസംബന്ധമാണെന്നും സിപിഐയില്‍ അഭിപ്രായ വ്യത്യാസമെന്നത് മാധ്യമങ്ങളുടെ ഭാവനയാണെന്ന് കാനം രാജേന്ദ്രന്‍. പുറത്തുവന്നത് പാര്‍ട്ടി കമ്മിറ്റിയില്‍ നടക്കാത്ത കാര്യങ്ങളെന്നും അദ്ദേഹം കൂട്ടിച്ചേര്‍ത്തു.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

സാബു ജേക്കബ് പൊതുവേദിയിൽ വെച്ച് തന്നെ അപമാനിച്ചു; വിശദീകരണവുമായി വി.പി ശ്രീനിജിൻ

സാബു ജേക്കബ് പൊതുവേദിയിൽ വെച്ച് തന്നെ നിരവധി തവണ അപമാനിക്കുന്ന പ്രസ്താവന നടത്തിയെന്ന് വി.പി ശ്രീനിജിൻ എംഎൽഎ. ഐക്കര പഞ്ചായത്തിലെ കൃഷി ദിനാഘോഷത്തിലാണ് പരസ്യമായി തന്നെ അപമാനിച്ചത്. പഞ്ചായത്ത് പ്രസിഡന്റടക്കം സദസിലിരിക്കുമ്പോഴായിരുന്നു അപമാനിച്ചത്....

മികച്ച സംവിധായകന്‍ ബേസില്‍; ഏഷ്യന്‍ അവാര്‍ഡ്‌സില്‍ ഇന്ത്യയുടെ അഭിമാനം

മികച്ച സംവിധായകനുള്ള ഈ വര്‍ഷത്തെ ഏഷ്യന്‍ അക്കാദമി അവാര്‍ഡ് ബേസില്‍ ജോസഫിന്. മിന്നല്‍ മുരളി എന്ന ചിത്രത്തിനാണ് പുരസ്‌കാരം. പതിനാറ് രാജ്യങ്ങളിലെ ചിത്രങ്ങളാണ് മത്സരത്തിനുണ്ടായിരുന്നത്. പുരസ്‌കാരവിവരം തന്റെ സാമൂഹികമാധ്യമത്തിലൂടെ നടനും സംവിധായകനുമായ ബേസിലാണ് അറിയിച്ചത്. സിംഗപ്പൂരില്‍...

പാറശ്ശാല ഷാരോണ്‍ രാജ് കൊലക്കേസില്‍ പോലീസിനെ കുരുക്കിലാക്കി ഒന്നാംപ്രതി ഗ്രീഷ്മയുടെ രഹസ്യമൊഴി

പാറശ്ശാല ഷാരോണ്‍ രാജ് കൊലക്കേസില്‍ പോലീസിനെ കുരുക്കിലാക്കി ഒന്നാംപ്രതി ഗ്രീഷ്മയുടെ രഹസ്യമൊഴി. പോലീസ് നിര്‍ബന്ധിച്ച്‌ കുറ്റസമ്മതം നടത്തിച്ചെന്നാണ് മജിസ്ട്രേറ്റിന് രഹസ്യ മൊഴി നല്‍കിയത്..നെയ്യാറ്റിന്‍കര രണ്ടാം ക്ലാസ് മജിസ്ട്രേറ്റ് വിനോദ് ബാബുവിന് മുമ്ബാകെയാണ് രഹസ്യമൊഴി നല്‍കിയത്....