എംബാപ്പെയെ റാഞ്ചാന്‍ റയല്‍ ; പിഎസ്ജി വിടാനുള്ള ആഗ്രഹം അറിയിച്ചു

മാഡ്രിഡ്
പിഎസ്ജി മുന്നേറ്റക്കാരന്‍ കിലിയന്‍ എംബാപ്പെയെ സ്വന്തമാക്കാന്‍ റയല്‍ മാഡ്രിഡ്. 1400 കോടി രൂപയാണ് ഇരുപത്തിരണ്ടുകാരന് റയലിന്റെ വാഗ്ദാനം. പിഎസ്ജി വിടാനുള്ള മോഹം ഫ്രഞ്ചുകാരന്‍ വ്യക്തമാക്കി. അടുത്തവര്‍ഷം ജൂണ്‍ വരെ കരാറുണ്ടെങ്കിലും തുടരാനില്ലെന്ന് എംബാപ്പെ ക്ലബ്ബിനെ അറിയിച്ചു. ലയണല്‍ മെസിയുടെ വരവോട് കൂടിയാണ് എംബാപ്പെ തീരുമാനമെടുത്തത്. മുന്നേറ്റത്തില്‍ മെസിയും നെയ്മറും ഒത്തുചേര്‍ന്നാല്‍ അവസരം കുറയുമെന്നാണ് താരത്തിന്റെ കണക്കുക്കൂട്ടല്‍. 2017 മുതല്‍ പിഎസ്ജിയിലുണ്ട് എംബാപ്പെ. 174 കളിയില്‍ 133 ഗോളടിച്ചു.

ക്രിസ്റ്റ്യാനോ റൊണാള്‍ഡോ ടീം വിട്ടതുമുതല്‍ മുന്നേറ്റത്തില്‍ മികച്ച കളിക്കാരനെ തേടുകയാണ് റയല്‍. കരീം ബെന്‍സെമയെമാത്രം ആശ്രയിച്ചാണ് നിലവില്‍ കളിക്കുന്നത്. ഈ സീസണില്‍ പ്രധാന താരങ്ങളായ സെര്‍ജിയോ റാമോസും റാഫേല്‍ വരാനെയും ടീം വിട്ടതും ക്ഷീണമായി. പ്രതിരോധക്കാരന്‍ ഡേവിഡ് അലാബയെമാത്രമാണ് ഇത്തവണ ടീമില്‍ എത്തിച്ചത്. കോവിഡിനെ തുടര്‍ന്നുള്ള സാമ്ബത്തികപ്രതിസന്ധിയും ടീമിനെ ഞെരുക്കി.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

സ്വിസ് പടയെ കെട്ടുകെട്ടിച്ച്‌ പറങ്കികള്‍

ദോഹ: പ്രീക്വാര്‍ട്ടര്‍ പോരാട്ടത്തില്‍ സ്വിറ്റ്‌സര്‍ലന്‍ഡിനെ കെട്ടുകെട്ടിച്ച്‌ പറങ്കിപ്പട. ഒന്നിനെതിരെ ആറ് ഗോളുകള്‍ക്ക് സ്വിസ് പടയെ പരാജയപ്പെടുത്തി പറങ്കികള്‍ ക്വാര്‍ട്ടര്‍ ഫൈനലിലേയ്ക്ക് പ്രവേശിച്ചു. സൂപ്പര്‍ താരം ക്രിസ്റ്റ്യാനോ റൊണാള്‍ഡോയെ ആദ്യ ഇലവനില്‍ ഉള്‍പ്പെടുത്താതെയാണ് പ്രീക്വാര്‍ട്ടര്‍ പോരാട്ടത്തിന്...

കേരള ടെക്നോളജിക്കല്‍ യൂണിവേഴ്സിറ്റിയും ഐസിടി അക്കാഡമിയുമായി കൈകോര്‍ത്ത് ‘ഡിജിറ്റല്‍ യൂത്ത് ഹാക്കത്തോണ്‍’ അവതരിപ്പിച്ച് നെസ്റ്റ് ഡിജിറ്റല്‍

• സംസ്ഥാനത്തെ നിരവധി പ്രൊഫഷണൽ വിദ്യാര്‍ത്ഥികള്‍ക്ക് പദ്ധതി ഉപകാരപ്രഥമാകും • വിജയികള്‍ക്ക് 1 ലക്ഷം രൂപവരെ സമ്മാനവും നെസ്റ്റ് ഡിജിറ്റലില്‍ തൊഴിലവസരങ്ങളും കൊച്ചി, ഡിസംബര്‍ 7, 2022: കേരളത്തിലെ മുന്‍നിര വ്യവസായ സംരംഭമായ നെസ്റ്റ് ഗ്രൂപ്പിന്റെ...

ദക്ഷിണകൊറിയന്‍ സിനിമ കണ്ടതിന് ഉത്തരകൊറിയയില്‍ വിദ്യാര്‍ഥികള്‍ക്കു വധശിക്ഷ

സീയൂള്‍: അമേരിക്കയിലെയും ദക്ഷിണകൊറിയയിലെയും സിനിമകള്‍ കണ്ടതിന്‍റെ പേരില്‍ ഉത്തരകൊറിയയില്‍ രണ്ടു വിദ്യാര്‍ഥികളെ വധശിക്ഷയ്ക്കു വിധേയമാക്കിയതായി റിപ്പോര്‍ട്ട്. 16, 17 വയസുള്ള രണ്ട് ആണ്‍കുട്ടിളെയാണു വധിച്ചത്. ഒക്ടോബറില്‍ നടന്ന സംഭവം ഇപ്പോഴാണ് പുറംലോകമറിയുന്നതെന്ന് ഇന്‍ഡിപെന്‍ഡന്‍റ്, മിറര്‍ വെബ്സൈറ്റുകളിലെ...