പാകിസ്ഥാന്‍ ടീം മാനേജ്‌മെന്റുമായുള്ള പ്രശ്നങ്ങളെ തുടര്‍ന്ന് അന്താരാഷ്ട്ര ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ച്‌ പാകിസ്ഥാന്‍ മുഹമ്മദ് ആമിര്‍. നിലവിലെ പാകിസ്ഥാന്‍ ക്രിക്കറ്റ് മാനേജ്‌മന്റ് തന്നെ മാനസ്സികമായി പീഡിപ്പിക്കുകയാണെന്നും അതുകൊണ്ടാണ് താന്‍ അന്താരാഷ്ട്ര ക്രിക്കറ്റില്‍ നിന്ന് വിട്ടുനില്‍ക്കുന്നതെന്നും 28കാരനായ മുഹമ്മദ് ആമിര്‍ പറഞ്ഞു.
2009ല്‍ പാകിസ്ഥാന്‍ ടി20 ലോകകപ്പ് നേടിയപ്പോഴും 2017ല്‍ ചാമ്ബ്യന്‍സ് ട്രോഫി കിരീടം നേടിയപ്പോഴും മുഹമ്മദ് ആമിര്‍ പാകിസ്ഥാന്‍ ക്രിക്കറ്റ് ടീമിന്റെ ഭാഗമായിരുന്നു. നേരത്തെ ന്യൂസിലാന്‍ഡ് പര്യടനത്തിനുള്ള പാകിസ്ഥാന്‍ ടീമില്‍ മുഹമ്മദ് ആമിറിന് അവസരം ലഭിച്ചിരുന്നില്ല. നേരത്തെ 2019 ജൂണില്‍ തന്നെ മത്സരങ്ങളുടെ എണ്ണം കുറയ്ക്കുന്നതിന്റെ ഭാഗമായി ടെസ്റ്റ് ക്രിക്കറ്റില്‍ നിന്ന് താരം വിരമിച്ചിരുന്നു.
