ന്യൂഡൽഹി: ആര്‍ബിഐ സര്‍ക്കുലറിലൂടെ വിവിധ വായ്പകൾക്ക് ഏര്‍പ്പെടുത്തിയ മോറട്ടോറിയം കാലാവധി രണ്ടു വര്‍ഷം കൂടെ നീട്ടാൻ ആകുമെന്ന് സര്‍ക്കാര്‍. സുപ്രീം കോടതിയിൽ ആണ് കേന്ദ്ര സര്‍ക്കാര്‍ ഇക്കാര്യം വ്യക്തമാക്കിയത്. നിലവിലെ സാമ്പത്തിക പ്രതിസന്ധി കണക്കിൽ എടുത്താണ് ഇത്. കൂടുതൽ വിശദാംശങ്ങൾ ഉടൻ പ്രഖ്യാപിച്ചേക്കും.
ആര്‍ബിഐ സര്‍ക്കുലറിലൂടെ വിവിധ വായ്പകൾക്ക് ഏര്‍പ്പെടുത്തിയ മോറട്ടോറിയം കാലാവധി രണ്ടു വര്‍ഷം കൂടെ നീട്ടാൻ ആകുമെന്ന് സര്‍ക്കാര്‍. സുപ്രീം കോടതിയിൽ ആണ് കേന്ദ്ര സര്‍ക്കാര്‍ ഇക്കാര്യം വ്യക്തമാക്കിയത്. നിലവിലെ സാമ്പത്തിക പ്രതിസന്ധി കണക്കിൽ എടുത്താണ് ഇത്. കൂടുതൽ വിശദാംശങ്ങൾ ഉടൻ പ്രഖ്യാപിച്ചേക്കും.
ഇഎംഐ മോറട്ടോറിയം സംബന്ധിച്ച വിഷയത്തിൽ ഏഴു ദിവസത്തിനുള്ളിൽ നിലപാട് വ്യക്തമാക്കാൻ കേന്ദ്രത്തിന് കഴിഞ്ഞയാഴ്ച സുപ്രീം കോടതി നിര്‍ദേശം നൽകിയിരുന്നു. ലോക്ക്ഡൗൺ കാലത്ത് വിവിധ വായ്പകളുടെ തിരിച്ചടവിന് ആറു മാസം സര്‍ക്കാര്‍ നിര്‍ദേശ പ്രകാരം ആര്‍ബിഐ മോറട്ടോറിയം പ്രഖ്യാപിച്ചിരുന്നു. മോറട്ടോറിയം കാലത്ത് പലിശ ഇളവ് പ്രയോജനപ്പെടുത്തിയവരുടെ ലോൺ തിരിച്ചടവിൻെറ വിശദാംശങ്ങൾ വ്യക്തമാക്കണം എന്നും, മോറട്ടോറിയം തുടരുന്നത് സംബന്ധിച്ച തീരുമാനം അറിയിക്കണം എന്നുമായിരുന്നു കോടതി നിര്‍ദേശം.
