നാഷണല്‍ ഹെറാള്‍ഡ് കേസ്: രാഹുൽ ​ഗാന്ധി ഇന്ന് ഇഡിയ്‌ക്ക് മുന്നിൽ ഹാ​ജരാകും

നാഷണല്‍ ഹെറാള്‍ഡ് കേസിൽ കോൺ​ഗ്രസ് നേതാവ് രാഹുൽ ഗാന്ധി ഇന്ന് എൻഫോഴ്സ്മെന്‍റ് ഡയറക്ട്രേറ്റിന്റെ മുന്നിൽ ഹാജരാകും. കള്ളപ്പണം വെളുപ്പിക്കൽ കേസിൽ കോൺഗ്രസ് അദ്ധ്യക്ഷ സോണിയ ഗാന്ധിയ്‌ക്കും മകൻ രാഹുൽ ​ഗാന്ധിക്കും ഇഡി നോട്ടീസ് അയച്ചിരുന്നു. അതേസമയം കേന്ദ്രസർക്കാർ നെഹ്റു കുംടുംബത്തെ വേട്ടയാടുന്നുവെന്ന് ആരോപിച്ച് മുതിർന്ന കോൺഗ്രസ് നേതാക്കൾ പാർട്ടി ആസ്ഥാനത്ത് നിന്ന് ഇഡി ഓഫീസിലേക്ക് മാർച്ച് നടത്തും. രാവിലെ പതിനൊന്ന് മണിക്കാകും രാഹുല്‍ ഇ ഡിക്ക് മുന്നിൽ ഹാജരാകുക. രാഷ്‌ട്രീയമായി മോദി സർക്കാർ കേന്ദ്ര അന്വേഷണ ഏജൻസികളെ ഉപയോ​ഗിച്ച് വേട്ടയാടല്‍ നടത്തുന്നുവെന്ന് പറഞ്ഞുകൊണ്ടാണ് കോൺ​ഗ്രസ് രാജ്യത്തെ വിവിധ ഇടങ്ങളിലെ ഇഡി ഓഫീസിലേയ്‌ക്ക് മാർച്ച് നടത്തുന്നത്.

രാഹുല്‍ ഗാന്ധിക്ക് ഐക്യദാര്‍ഢ്യം അറിയിച്ച് എ ഐ സി സി ആസ്ഥാനത്ത് നിന്ന് പ്രതിഷേധ മാര്‍ച്ച് ആരംഭിക്കും. രാജസ്ഥാന്‍, ഛത്തീസ്ഘട്ട് മുഖ്യമന്ത്രിമാര്‍, കോണ്‍ഗ്രസ് പ്രവര്‍ത്തക സമിതി അംഗങ്ങളും, എം പിമാരും ഡൽഹിയിൽ നടക്കുന്ന പ്രതിഷേധത്തിൽ പങ്കെടുക്കും. അതേസമയം, കോൺ​ഗ്രസിന്റെ പ്രതിഷേധ മാർച്ചിന് പോലീസ് അനുമതി നിഷേധിച്ചിട്ടുണ്ട്. പോലീസിന്റെ ഈ വിലക്ക് ലംഘിച്ചാവും കോൺ​ഗ്രസ് പ്രതിഷേധങ്ങളു‍ടെ ഉടമ്പടിയോടെ കോൺ​ഗ്രസ് നേതാവ് രാഹുൽ ​ഗാന്ധി ഇഡിയ്‌ക്ക് മുന്നിലെത്തുക. കേരളത്തിലും ഇഡി ഓഫീസുകളിലേയ്‌ക്ക് കോൺ​ഗ്രസ് മാർച്ച് സംഘടിപ്പിക്കുന്നുണ്ട്.

കോൺഗ്രസ് അദ്ധ്യക്ഷ സോണിയ ഗാന്ധി കൊറോണ പോസിറ്റീവ് ആയതോടെ കേസിൽ ഹാജരാകാൻ സാവകാശം തേടിയിരുന്നു. ഇത് ഇഡി അംഗീകരിച്ചു.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

കോസ്മെറ്റിക്ക് സർജറി നിത്യയൗവനത്തിലേക്കുള്ള മാർഗമോ?

  Dr. Krishna Kumar KS Senior Consultant - Microvascular Surgery, Aster MIMS Calicut മനുഷ്യൻ ഉണ്ടായ കാലം മുതലെ തുടങ്ങിയതാണ് സൗന്ദര്യവും നിത്യയൗവ്വനവും സ്വപ്നം കണ്ടുള്ള നമ്മുടെ യാത്ര. ബി.സി അറുന്നൂറാം നൂറ്റാണ്ടിൽ...

രാജ്യത്തെ ആറ് സംസ്ഥാനങ്ങൾ കൂടി 5ജി സേവനത്തിലേക്ക്തുടക്കമിട്ട് ജിയോ

രാജ്യത്തെ ആറ് സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ചു. വടക്കുകിഴക്കൻ സംസ്ഥാനങ്ങളിലേക്ക് റിലയൻസ് ജിയോ ആണ് 5ജി സേവനങ്ങൾ കൊണ്ടുവരുന്നത്. അരുണാചൽ പ്രദേശ്, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര എന്നീ സംസ്ഥാനങ്ങളാണ്...

‘ബി.ബി.സി ഡോക്യുമെന്ററി’ ട്വിറ്റര്‍ സെന്‍സര്‍ ചെയ്തതെന്ന് റിപ്പോര്‍ട്ട്; പ്രതികരിച്ച്‌ ഇലോണ്‍ മസ്ക്

ഗുജറാത്ത് വംശഹത്യയെ കുറിച്ചുള്ള ബി.ബി.സി ഡോക്യുമെന്ററി 'ഇന്ത്യ: ദി മോദി ക്വസ്റ്റ്യന്‍' രാജ്യത്ത് നിരോധിച്ചത് വലിയ പ്രതിഷേധങ്ങള്‍ക്കാണ് വഴിവെച്ചിരിക്കുന്നത്. ബി.ജെ.പിയുടെ തടയല്‍ ശ്രമങ്ങളെ അതിജീവിച്ച്‌ രാജ്യവ്യാപകമായി ഡോക്യുമെന്ററിയുടെ പൊതുപ്രദര്‍ശനങ്ങള്‍ പൊടിപൊടിക്കുകയാണ്. യൂട്യൂബിന് പുറമേ, ഫേസ്ബുക്ക്, ട്വിറ്റര്‍...