വെല്ലിഗ്ടണ്‍: ന്യൂസിലാന്റ് പ്രധാനമന്ത്രി ജസീന്ദ ആര്‍ഡണ് കോവിഡ് സ്ഥിരീകരിച്ചു. ചെറിയ തോതിലുള്ള ലക്ഷണങ്ങള്‍ മാത്രമണുള്ളതെന്നും ഏഴ് ദിവസം വീട്ടില്‍ പൂര്‍ണ വിശ്രമം തേടുകയാണെന്നും പ്രധാനമന്ത്രിയുടെ ഓഫീസ് അറിയിച്ചു.
കഴിഞ്ഞ ആഴ്ച്ച ജസീന്തയുടെ ഭര്‍ത്താവ് ക്ലാര്‍ക്ക് ഗയ്‌ഫോര്‍ഡിന കോവിഡ് സ്ഥിരീകരിച്ചിരുന്നു. തുടര്‍ന്ന് ജസിന്തയും നിരീക്ഷണത്തിലയിരുന്നു. തിങ്കളാഴ്ച തിരിച്ച്‌ ജോലിയില്‍ പ്രവേശിക്കെയാണ് അവര്‍ക്കും കോവിഡ് പോസിറ്റീവായത്. കോവിഡ് പോസിറ്റീവായ കാര്യം ജസീന്ത തന്നെയാണ് ഇന്‍സ്റ്റന്റ്ഗ്രാമിലൂടെ അറിയിച്ചത്.
കോവിഡിന്റെ പ്രരംഭഘട്ടത്തില്‍ രോഗനിയന്ത്രണത്തില്‍ വളരെമികച്ച പ്രകടനമാണ് ജസീന്ത കാഴ്ചവെച്ചിരുന്നത്. മരണസംഖ്യ കുറക്കാനും രജ്യത്ത് നടപ്പിലാക്കിയ നിയന്ത്രണങ്ങളാല്‍ സാധ്യമായിരുന്നു.
എന്നിരുന്നാലും ഓമിക്രോണ്‍ രാജ്യത്ത് കൂടുതലായി വ്യാപിച്ചതായാണ് കണക്കുകള്‍ വ്യക്തമാക്കുന്നത്. കഴിഞ്ഞ ആഴ്ച 50,000ത്തിലധികം കേസുകളാണ് രാജ്യത്ത് രേഖപ്പെടുത്തിയത്.
