പികെ എല്‍ ക്ലാസിക്കോയ്ക്ക് മുന്നേ തിരികെയെത്തും

ബാഴ്‌സലോണ സെന്റര്‍ ബാക്ക് ജറാഡ് പികെ എല്‍ ക്ലാസിക്കോയ്ക്ക് മുന്നേ തിരികെ എത്തും എന്ന് ബാഴ്‌സലോണയുടെ അടുത്ത വൃത്തങ്ങള്‍ റിപ്പോര്‍ട്ട് ചെയ്യുന്നു. ഈ സീസണില്‍ ഭൂരിഭാഗവും പരിക്ക് കാരണം നഷ്ടപ്പെട്ട പികെ തിരികെ എത്തിയ ഉടനെ വീണ്ടും പരിക്കേറ്റ പുറത്ത് പോവുക ആയിരുന്നു. കോപ ഡെല്‍ റേ മത്സരത്തിനിടയില്‍ ആയിരുന്നു പികെയ്ക്ക് പരിക്കേറ്റത്. താരഎം ഇപ്പോള്‍ തിരിച്ചുവരവിന്റെ പാതയിലാണ്. ഒരു മാസത്തില്‍ അധികം പുറത്തിരിക്കേണ്ടി വരും എന്നായിരുന്നു നേരത്തെ റിപ്പോര്‍ട്ടുകള്‍. എന്നാല്‍ പികെ ഇപ്പോള്‍ ഇന്റര്‍ നാഷണല്‍ ബ്രെക്ക് കഴിഞ്ഞ ഉടനെ തിരികെ എത്തവും എന്നാണ് പ്രതീക്ഷിക്കുന്നത്. അടുത്ത ആഴ്ച തന്നെ താരം ടീമിനൊപ്പം പരിശീലനം ആരംഭിക്കും. അറോഹോ പരിക്ക് മാറി എത്തിയത് കൊണ്ട് പികെയുടെ അഭാവം വലിയ രീതിയില്‍ ബാഴ്‌സലോനയെ ബാധിക്കില്ല എന്നാണ് കോമാനും വിശ്വസിക്കുന്നത്.ഏപ്രില്‍ രണ്ടാം വാരമാണ് എല്‍ ക്ലാസിക്കോ നടക്കുന്നത്. ലാലിഗ കിരീട പോരാട്ടത്തില്‍ വളരെ നിര്‍ണായകമായ പോരാട്ടമാകും അത്.