ബ്രേവ് മത്സരത്തിൽ ഇന്ത്യയെ പ്രതിനിധീകരിക്കാൻ റാണ രുദ്ര പ്രതാപ് സിംഗ്

മിക്സർ മാർഷൽ ആർട്ട്സിലെ (എം.എം.എ) ലോകത്തെ പ്രധാന മത്‌സരമായ ബ്രേവ് മത്സരത്തിൽ ഇന്ത്യയെ പ്രതിനിധീകരിച്ച് യു.പി സ്വദേശിയായ റാണാ രുദ്ര പ്രതാപ് സിംഗ് മത്സരിക്കും. പാകിസ്‌ഥാനെതിരായാണ് റാണയുടെ മത്സരം. കൊച്ചിയിലെ ബോക്‌സിംഗ് ക്ലബാണ് റാണ രുദ്ര പ്രതാപിനെ സ്പോൺസർ ചെയ്യുന്നത്. മത്സരിച്ച എല്ലാ ഫൈറ്റുകളിലും (11 -11 )വിജയം നേടിയ റാണ പരിശീലനത്തിനായി ഇന്നലെ കൊച്ചിയിലെത്തി. കഴിഞ്ഞ പത്ത് വർഷമായി എം.എം.എ ഫൈറ്റിങ്ങിൽ പരിശീലനം നടത്തുകയാണ് റാണ.

ദിവസേന അഞ്ച് മണിക്കൂർ മാത്രമാണ് വിശ്രമം ഉള്ളതെന്നും മറ്റു സമയങ്ങളിൽ പൂർണ പരിശീലനമാണ് നൽകുന്നതെന്നും ബോക്‌സിംഗ് ക്ലബ് ഡയറക്ടർ കെ.എസ്. വിനോദ്, കോച്ച് സ്വാമിനാഥൻ എന്നിവർ എറണാകുളം പ്രസ്‌ക്ലബിൽ വാർത്താസമ്മേളനത്തിൽ പറഞ്ഞു. മിക്സർ മാർഷൽ ആർട്ട്സ് പുതുതലമുറയിൽ ജനകീയമാകണമെന്നും ആരോഗ്യമുള്ള ഒരു സമൂഹത്തെ വാർത്തെടുക്കാൻ ഇത് സഹായകരമാകുമെന്നും വാർത്താസമ്മേളനത്തിൽ പങ്കെടുത്ത എം.എം.എ ചാമ്പ്യനും ചലച്ചിത്രതാരവുമായ രാജീവ് പിള്ള പറഞ്ഞു.

ബ്രേവ് ഫൈറ്റിങ് മത്സരത്തിൽ എം.എം.എ വിഭാഗത്തിൽ സെലക്ഷൻ ലഭിക്കുന്ന ആദ്യ ഇന്ത്യക്കാരനാണ് റാണ. വരുന്ന മാർച്ചിൽ യു.എ.ഇ യിലാണ് മത്സരം. വിജയം ഉറപ്പാക്കാനുള്ള കഠിന പരിശീലനത്തിലാണെന്നും കേരളത്തിലെ പരിശീലനം ഏറെ സന്തോഷത്തോടെയാണ് സ്വീകരിക്കുന്നതെന്നും റാണാ രുദ്ര പ്രതാപ് പറഞ്ഞു. മത്സരത്തിൽ നിന്ന് പിന്മാറണം എന്ന ആവശ്യവുമായി പാകിസ്‌താനിൽ നിന്ന് ഭീഷണി സന്ദേശങ്ങൾ വരുന്നുണ്ടെന്നും എന്നാൽ പിന്മാറാൻ ഒരുക്കമല്ലെന്നും അദ്ദേഹം പറഞ്ഞു.

രാജീവ് പിള്ള, കെ.എസ്. വിനോദ്, സ്വാമിനാഥൻ, സിബി എന്നിവർ റാണാ രുദ്ര പ്രതാപ് സിംഗിനൊപ്പം വാർത്താസമ്മേളനത്തിൽ പങ്കെടുത്തു.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

പഞ്ചാബില്‍ കുഴല്‍ക്കിണറില്‍ വീണ 6 വയസ്സുകാരന്‍ മരിച്ചു

  ബെയ്‌റാംപൂര്‍: പഞ്ചാബിലെ ബെയ്‌റാംപൂരില്‍ 300 അടി താഴ്ചയുള്ള കുഴല്‍ക്കിണറില്‍ വീണ ആറ് വയസ്സുകാരന്‍ മരിച്ചു. തെരുവുനായ്ക്കള്‍ വിടാതെ പിന്തുടര്‍ന്ന് ഓടുമ്ബോഴാണ് ഋത്വിക് എന്ന കുട്ടി കുഴല്‍ക്കിണറിലേക്ക് പതിച്ചത്. ഒമ്ബത് മണിക്കൂറിനു ശേഷമാണ് പുറത്തെടുക്കാനായത്. 65 മീറ്റര്‍ താഴെ...

പെട്രോള്‍ വില ഇനി ദിവസവും വികസിക്കും; കേന്ദ്രത്തെ പരിഹസിച്ച് രാഹുല്‍ ഗാന്ധി

ഇന്ധനവില കുറച്ചതുമായി ബന്ധപ്പെട്ട കേന്ദ്രസര്‍ക്കാര്‍ നിലപാടില്‍ പരിഹാസം രേഖപ്പെടുത്തി കോണ്‍ഗ്രസ് നേതാവ് രാഹുല്‍ ഗാന്ധി. പെട്രോള്‍ വില ഇനി ദിവസവും വികസിക്കും എന്നാണ് കേന്ദ്രത്തെ പരിഹസിച്ച് രാഹുല്‍ ഗാന്ധി പറഞ്ഞത്. ട്വിറ്ററിലൂടെയായിരുന്നു അദ്ദേഹത്തിന്റെ...

തൊഴിലധിഷ്ഠിത മാസീവ്  ഓപ്പണ്‍ ഓണ്‍ലൈന്‍ കോഴ്്‌സുകള്‍ വികസിപ്പിച്ച് കുസാറ്റ്

  കൊച്ചി: സമൂഹത്തിലെ എല്ലാ ആളുകളിലേക്കും പ്രത്യേകിച്ച്് ഏറ്റവും പിന്നോക്കം നില്‍ക്കുന്നവര്‍ക്ക്് അവരുടെ അറിവിന്റെ ചക്രവാളങ്ങള്‍ വിശാലമാക്കുന്നതിനും മികച്ച അദ്ധ്യാപന-പഠന വിഭവങ്ങളിലേക്കുള്ള പ്രവേശനത്തിനും സവിശേഷമായ ഒരു വിദ്യാഭ്യാസ അവസരം സൃഷ്ടിക്കുക എന്ന ലക്ഷ്യത്തോടെ കൊച്ചി...