യുപി കേരളമാകുന്നത് അപകടമല്ല, അതിനെ സ്വാഗതം ചെയ്യുകയാണ് വേണ്ടതെന്ന് യോഗിയോട് യെച്ചൂരി

യുപി കേരളമാകുന്നത് അപകടമല്ല, അതിനെ സ്വാഗതം ചെയ്യുകയാണ് വേണ്ടതെന്ന് സീതാറാം യെച്ചൂരി. കഴിഞ്ഞ ദിവസം കേരളത്തെ അധിക്ഷേപിച്ച് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് നടത്തിയ വിവാദ പരാമര്‍ശത്തിന് മറുപടി നല്‍കുകയായിരുന്നു സിപിഐഎം ജനറല്‍ സെക്രട്ടറി സീതാറാം യെച്ചൂരി. കേരളത്തെയും കേരളത്തിലെ ജനങ്ങളെയും ബിജെപി അപമാനിക്കുന്നത് ഇതാദ്യമല്ലെന്നും പ്രധാനമന്ത്രി നരേന്ദ്ര മോദി കേരളത്തെ മുന്‍പ് സൊമാലിയയോട് ഉപമിച്ചതായും സീതാറാം യെച്ചൂരി ചൂണ്ടിക്കാട്ടി.

നീതി ആയോഗ് റിപ്പോര്‍ട്ടുകളില്‍ കേരളം ഏറ്റവും മുന്നിലും ഉത്തര്‍പ്രദേശ് താഴെയുമാണ്. മതവിദ്വേഷമില്ലാത്തതിനാലാണ് കേരളം ഒരു ബിജെപി അംഗത്തെ പോലും തെരഞ്ഞെടുക്കാത്തതിരുന്നത്. യുപി കേരളത്തിനെ പോലെ ആയാല്‍ ബിജെപി പരാജയപ്പെടുമെന്നും സീതാറാം യെച്ചൂരി പറഞ്ഞു. ഇന്നലെയായിരുന്നു കേരളത്തെ ആക്ഷേപിച്ച് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് വിവാദ പരാമര്‍ശം നടത്തിയത്.

ബിജെപിക്ക് വോട്ട് ചെയ്തില്ലെങ്കില്‍ കേരളമോ, കശ്മിരോ, ബംഗാളോ പോലെ യുപി ആകുമെന്നായിരുന്നു യോഗിയുടെ പരാമര്‍ശം.എന്നാല്‍ കേരളം പോലെ ആയാല്‍ യുപിക്ക് മികച്ച വിദ്യാഭ്യാസവും ആരോഗ്യസേവനവും ലഭിക്കുമെന്ന് മുഖ്യമന്ത്രി പിണറായി വിജയന്‍ തിരിച്ചടിച്ചു. ഹിന്ദിയിലും ഇംഗ്ലീഷിലും യോഗിയെ ടാഗ് ചെയ്തുള്ള ട്വീറ്റിലൂടെയായിരുന്നു മറുപടി.

പരാമര്‍ശത്തിനെതിരെ രാഹുല്‍ ഗാന്ധിയും രംഗത്തുവന്നിരുന്നു. ഇന്ത്യയുടെ ആത്മാവിനെ അപമാനിക്കരുതെന്നായിരുന്നു രാഹുല്‍ഗാന്ധിയുടെ പ്രതികരണം. ബഹുസ്വരതയും മതസൗഹാര്‍ദ്ദവും തെരഞ്ഞെടുത്ത കേരള ജനതയെ മാതൃകയാക്കണമെന്ന് യുപിയിലെ ജനങ്ങളോട് വി ഡി സതീശന്‍ ആവശ്യപ്പെട്ടു.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

കോസ്മെറ്റിക്ക് സർജറി നിത്യയൗവനത്തിലേക്കുള്ള മാർഗമോ?

  Dr. Krishna Kumar KS Senior Consultant - Microvascular Surgery, Aster MIMS Calicut മനുഷ്യൻ ഉണ്ടായ കാലം മുതലെ തുടങ്ങിയതാണ് സൗന്ദര്യവും നിത്യയൗവ്വനവും സ്വപ്നം കണ്ടുള്ള നമ്മുടെ യാത്ര. ബി.സി അറുന്നൂറാം നൂറ്റാണ്ടിൽ...

രാജ്യത്തെ ആറ് സംസ്ഥാനങ്ങൾ കൂടി 5ജി സേവനത്തിലേക്ക്തുടക്കമിട്ട് ജിയോ

രാജ്യത്തെ ആറ് സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ചു. വടക്കുകിഴക്കൻ സംസ്ഥാനങ്ങളിലേക്ക് റിലയൻസ് ജിയോ ആണ് 5ജി സേവനങ്ങൾ കൊണ്ടുവരുന്നത്. അരുണാചൽ പ്രദേശ്, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര എന്നീ സംസ്ഥാനങ്ങളാണ്...

‘ബി.ബി.സി ഡോക്യുമെന്ററി’ ട്വിറ്റര്‍ സെന്‍സര്‍ ചെയ്തതെന്ന് റിപ്പോര്‍ട്ട്; പ്രതികരിച്ച്‌ ഇലോണ്‍ മസ്ക്

ഗുജറാത്ത് വംശഹത്യയെ കുറിച്ചുള്ള ബി.ബി.സി ഡോക്യുമെന്ററി 'ഇന്ത്യ: ദി മോദി ക്വസ്റ്റ്യന്‍' രാജ്യത്ത് നിരോധിച്ചത് വലിയ പ്രതിഷേധങ്ങള്‍ക്കാണ് വഴിവെച്ചിരിക്കുന്നത്. ബി.ജെ.പിയുടെ തടയല്‍ ശ്രമങ്ങളെ അതിജീവിച്ച്‌ രാജ്യവ്യാപകമായി ഡോക്യുമെന്ററിയുടെ പൊതുപ്രദര്‍ശനങ്ങള്‍ പൊടിപൊടിക്കുകയാണ്. യൂട്യൂബിന് പുറമേ, ഫേസ്ബുക്ക്, ട്വിറ്റര്‍...