തൻ്റെ ജന്മദിനത്തിൽ എസ് പി ബി യെ അനുസ്മരിച്ച് ഗായകൻ ഉണ്ണി മേനോൻ

തൻ്റെ ജന്മദിനത്തിൽ പ്രിയപ്പെട്ട ഗായകൻ എസ് പി ബിയെ അനുസ്‌മരിച്ച് ഗായകൻ ഉണ്ണി മേനോൻ. മഹാ മാന്ത്രികനായ ഗായകനും താൻ കണ്ടതിൽ വെച്ച് ഏറ്റവും നല്ല മനുഷ്യനുമായിരുന്നു എസ് പി ബിയെന്ന് ഉണ്ണി മേനോൻ പറയുന്നു. അദ്ദേഹം നമ്മെവിട്ട് വേർപിരിഞ്ഞിട്ട് രണ്ട് മാസം ആയെങ്കിലും അദ്ദേഹത്തിന്റെ വേർപാട് നമ്മളിൽ ഏൽപ്പിച്ച ആഘാതം ഇതുവരെ വിട്ടുമാറിയിട്ടില്ലെന്നും ഉണ്ണി മേനോൻ വ്യക്തമാക്കി. തൻ്റെ ജന്മദിനത്തോടനുബന്ധിച്ച് സുതാര്യ കേരളം പ്രേക്ഷകരോട് സംസാരിക്കുകയായിരുന്നു അദ്ദേഹം. പ്രൊഫഷണൽ ഡിസിപ്ലിൻ എന്തെന്ന് താൻ പഠിച്ചത് എസ് പി ബിയിൽ നിന്നാണെന്നും സ്റ്റേജ് ഷോകളിൽ അദ്ദേഹത്തിനായി വയലിനടക്കം വായിക്കുന്ന കലാകാരന്മാരെയാണ് അദ്ദേഹം ആദ്യം അഭിനന്ദിക്കുകയെന്നും ഉണ്ണി മേനോൻ പറയുന്നു.

അതുല്യ ഗായകൻ എസ് പി ബിക്കായി ഒരുക്കിയ പാടും നിലാവുക്കു, പാടഗാൻ സംഗതിയെന്ന ട്രിബിയൂട്ട് ഗാനത്തെ കുറിച്ചും അദ്ദേഹം പരാമർശിച്ചു. വ്യക്തിപരമായി ഏറെ അടുപ്പമുണ്ടായിരുന്ന പ്രിയ ഗായകൻ്റെ എക്കാലത്തെയും പ്രിയപ്പെട്ട ചില ഗാനങ്ങളുടെ വരികൾ കൂട്ടിച്ചേർത്താണ് പാടും നിലാവേ ഇസെ പയണങ്കൾ മുടിവതില്ലേ എന്ന ഗാനം കമ്പോസ് ചെയ്തിരിക്കുന്നത്. ഉണ്ണി മേനോൻ ആലപിച്ച ഈ ഗാനം അദ്ദേഹത്തിന്റെ തന്നെ ഒഫിഷ്യൽ യൂട്യൂബ് ചാനലിൽ അപ്‌ലോഡ് ചെയ്തിട്ടുണ്ട്.

സംഗീത ലോകത്ത് എത്തിയിട്ട് 38 വർഷങ്ങൾ പിന്നിടുമ്പോൾ ഒരു സിനിമ കാണുന്ന ലാഘവത്തോടെയാണ് താൻ അതെല്ലാം ഓർക്കുന്നതെന്ന് അദ്ദേഹം പറഞ്ഞു. 1981 മുതൽ തുടങ്ങിയ സംഗീത യാത്ര ഇതുവരെ എത്തിനിൽക്കുമ്പോൾ സിനിമയിൽ പാടുമെന്നോ പ്രഗത്ഭരായ സംഗീതജ്ഞർക്ക് വേണ്ടി ആലപിക്കാൻ കഴിയുമെന്നോ താൻ ഒരിക്കലും പ്രതീക്ഷിച്ചിരുന്നതല്ലായെന്നും അദ്ദേഹം പറഞ്ഞു. അവസരങ്ങൾ തന്ന സംഗീതജ്ഞർക്കും അദ്ദേഹം നന്ദി രേഖപ്പെടുത്തി.

സിനിമ-സംഗീത രംഗത്ത് 38 വർഷങ്ങൾ പിന്നിട്ട പ്രിയ ഗായകൻ ഉണ്ണി മേനോന് സുതാര്യ കേരളത്തിൻ്റെയും പ്രേക്ഷകരുടെയും ജന്മദിനാശംസകൾ…..

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

മുഖ്യമന്ത്രിയുടെ യൂറോപ്യന്‍ പര്യടനത്തിന് വീഡിയോ, ഫോട്ടോ കവറേജിനായി മാത്രം ഏഴു ലക്ഷം രൂപ ചിലവ്

തിരുവനന്തപുരം: മുഖ്യമന്ത്രിയും മന്ത്രിമാരും അടങ്ങിയ സംഘം ഇന്ന് രാത്രി യൂറോപ്യന്‍ സന്ദര്‍ശനത്തിനായി യാത്രതിരിക്കും. യൂറോപ്യന്‍ പര്യടനത്തിന് വീഡിയോ ഫോട്ടോ ചിത്രീകരണത്തിനായി വന്‍തുകയാണ് വകയിരുത്തിയിരിക്കുന്നത്. വീഡിയോ, ഫോട്ടോ കവറേജിനായി മാത്രം ഏഴു ലക്ഷം രൂപയാണ് സര്‍ക്കാര്‍...

റോഷാക്ക് ഒക്ടോബര്‍ 7 ന് തിയേറ്ററുകളിലേക്ക്

പ്രേക്ഷകര്‍ ഏറെ ആകാംഷയോടെ കാത്തിരിക്കുന്ന നിസ്സാം ബഷീര്‍ സംവിധാനം ചെയ്യുന്ന മമ്മൂട്ടി ചിത്രം റോഷാക്ക് ഒക്ടോബര്‍ ഏഴാം തീയതി തിയേറ്ററുകളില്‍ റിലീസ് ചെയ്യും. ചിത്രത്തിന്റെ സെന്‍സറിങ് പൂര്‍ത്തിയായി ക്ലീന്‍ യു എ സര്‍ട്ടിഫിക്കറ്റ് ആണ്...

സാ​ള്‍​ട്ട് വെ​ടി​ക്കെ​ട്ടി​ല്‍ പാ​ക്കി​സ്ഥാ​നെ ത​ക​ര്‍​ത്ത് ഇം​ഗ്ല​ണ്ട്

ലാ​ഹോ​ര്‍: പാ​ക്കി​സ്ഥാ​നെ​തി​രാ​യ ആ​റാം ട്വ​ന്‍റി-20​യി​ല്‍ ത​ക​ര്‍​പ്പ​ന്‍ ജ​യം സ്വ​ന്ത​മാ​ക്കി ഇം​ഗ്ല​ണ്ട്. ഫി​ലി​പ്പ് സാ​ള്‍​ട്ടി​ന്‍റെ(41 പ​ന്തി​ല്‍ 87*) മി​ക​വി​ലാ​ണ് പാ​ക്കി​സ്ഥാ​ന്‍ ഉ​യ​ര്‍​ത്തി​യ 170 റ​ണ്‍​സ് വി​ജ​യ​ല​ക്ഷ്യം ഇം​ഗ്ല​ണ്ട് അ​നാ​യാ​സം മ​റി​ക​ട​ന്ന് പ​ര​മ്ബ​ര​യി​ല്‍ ഒ​പ്പ​മെ​ത്തി​യ​ത്. നേ​ര​ത്തെ, ടോ​സ് ന​ഷ്ട​പ്പെ​ട്ട്...