അങ്കണവാടികള്‍ക്കു ഗ്രാറ്റുവിറ്റിക്ക് അര്‍ഹതയുണ്ടെന്ന് സുപ്രീം കോടതി

ഡല്‍ഹി ∙ അങ്കണവാടികള്‍ക്കു ഗ്രാറ്റുവിറ്റി ബാധകമാണെന്നും ഇവിടത്തെ വര്‍ക്കര്‍മാര്‍ക്കും ഹെല്‍പ്പര്‍മാര്‍ക്കും ഇതിന് അര്‍ഹതയുണ്ടെന്നും സുപ്രീം കോടതി വിധിച്ചു.

1972 ലെ പേയ്മെന്റ് ഓഫ് ഗ്രാറ്റുവിറ്റിയിലെ വ്യവസ്ഥകള്‍ വ്യാഖ്യാനിച്ചു കൊണ്ടാണ് ജഡ്ജിമാരായ അജയ് കുമാര്‍ രസ്തോഗി, അഭയ് എസ്.ഓക്ക എന്നിവരുള്‍പ്പെട്ട ബെഞ്ചിന്റെ വിധി.

3 – 6 വയസ്സുവരെയുള്ള കുട്ടികളുടെ പ്രീ സ്കൂള്‍ പ്രവര്‍ത്തനങ്ങളാണ് അങ്കണവാടികളില്‍ നടക്കുന്നത്. ഇതു വിദ്യാഭ്യാസ പ്രവര്‍ത്തനമാണ്. അധ്യയനമാണ് ഇവിടെ നടത്തുന്നത്. വിദ്യാഭ്യാസ അവകാശ നിയമത്തിന്റെ 11-ാം വകുപ്പുപ്രകാരം അങ്കണവാടികളില്‍ സംസ്ഥാന സര്‍ക്കാര്‍ പ്രീ സ്കൂള്‍ നടത്തുകയാണ്. അതുകൊണ്ടു തന്നെ പേയ്മെന്റ് ഓഫ് ഗ്രാറ്റുവിറ്റിയിലെ വ്യവസ്ഥകള്‍ അങ്കണവാടികള്‍ക്കു ബാധകമാകും- ജസ്റ്റിസ് അഭയ് എഴുതിയ വിധിന്യായത്തില്‍ പറയുന്നു.

ഭക്ഷ്യസുരക്ഷാ നിയമത്തിലെയും വിദ്യാഭ്യാസ അവകാശ നിയമത്തിലെയും വ്യവസ്ഥകള്‍ ഉറപ്പുവരുത്താന്‍ അങ്കണവാടികള്‍ ചുമതലകള്‍ നിര്‍വഹിക്കുന്നുണ്ട്. സര്‍ക്കാരിന്റെ തന്നെ ഒരു കൈ എന്ന നിലയിലാണ് ഇവ പ്രവര്‍ത്തിക്കുന്നത്. വര്‍ക്കര്‍മാരുടെയും ഹെല്‍പ്പര്‍മാരുടെയും തസ്തിക നിയമപരമാണെന്നും വിധിയിലുണ്ട്. ചെയ്യുന്ന ജോലി വച്ച്‌ തുച്ഛമായ വരുമാനമാണ് ഇവര്‍ക്കു ലഭിക്കുന്നത്. ഇവരുടെ ദുരിതങ്ങള്‍ സര്‍ക്കാര്‍ ഗൗരവമായി കാണണമെന്നു കോടതി വ്യക്തമാക്കി.

കേന്ദ്രാവിഷ്കൃത സംയോജിത ശിശുവികസന പദ്ധതി (ഐസിഡിഎസ്)ക്കു കീഴിലുള്ള അങ്കണവാടികളില്‍ ജോലി ചെയ്യുന്നവര്‍ പേയ്മെന്റ് ഓഫ് ഗ്രാറ്റുവിറ്റി നിയമത്തിന്റെ പരിധിയില്‍ വരുമോ എന്നതായിരുന്നു കോടതി പരിഗണിച്ച വിഷയം. വരുമെന്ന് കണ്‍ട്രോളിങ് അതോറിറ്റി വ്യക്തമാക്കി. ഇതു ഗുജറാത്ത് ഹൈക്കോടതി സിംഗിള്‍ ബെഞ്ചും അംഗീകരിച്ചു. എന്നാല്‍, ജില്ലാ വികസന ഓഫിസര്‍ നല്‍കിയ അപ്പീലില്‍ ഹൈക്കോടതി ഡിവിഷന്‍ ബെഞ്ച് തീരുമാനം റദ്ദാക്കി. തുടര്‍ന്നാണ് അങ്കണവാടികളും ഏതാനും സംഘടനകളും അഭിഭാഷകരായ സഞ്ജയ് പരീഖ്, പി.വി.സുരേന്ദ്ര നാഥ്, സുഭാഷ് ചന്ദ്രന്‍ എന്നിവര്‍ വഴി സുപ്രീം കോടതിയെ സമീപിച്ചത്. 3 മാസത്തിനകം ഗ്രാറ്റുവിറ്റി ആനുകൂല്യം 10% സാധാരണ പലിശയോടെ അര്‍ഹതപ്പെട്ട മുഴുവന്‍ പേര്‍ക്കും അനുവദിക്കണമെന്നും കോടതി ഉത്തരവിട്ടു.

Similar Articles

Comments

LEAVE A REPLY

Please enter your comment!
Please enter your name here

Advertisment

Most Popular

കോസ്മെറ്റിക്ക് സർജറി നിത്യയൗവനത്തിലേക്കുള്ള മാർഗമോ?

  Dr. Krishna Kumar KS Senior Consultant - Microvascular Surgery, Aster MIMS Calicut മനുഷ്യൻ ഉണ്ടായ കാലം മുതലെ തുടങ്ങിയതാണ് സൗന്ദര്യവും നിത്യയൗവ്വനവും സ്വപ്നം കണ്ടുള്ള നമ്മുടെ യാത്ര. ബി.സി അറുന്നൂറാം നൂറ്റാണ്ടിൽ...

രാജ്യത്തെ ആറ് സംസ്ഥാനങ്ങൾ കൂടി 5ജി സേവനത്തിലേക്ക്തുടക്കമിട്ട് ജിയോ

രാജ്യത്തെ ആറ് സംസ്ഥാനങ്ങളിൽ കൂടി 5ജി സേവനങ്ങൾ ആരംഭിച്ചു. വടക്കുകിഴക്കൻ സംസ്ഥാനങ്ങളിലേക്ക് റിലയൻസ് ജിയോ ആണ് 5ജി സേവനങ്ങൾ കൊണ്ടുവരുന്നത്. അരുണാചൽ പ്രദേശ്, മണിപ്പൂർ, മേഘാലയ, മിസോറാം, നാഗാലാൻഡ്, ത്രിപുര എന്നീ സംസ്ഥാനങ്ങളാണ്...

‘ബി.ബി.സി ഡോക്യുമെന്ററി’ ട്വിറ്റര്‍ സെന്‍സര്‍ ചെയ്തതെന്ന് റിപ്പോര്‍ട്ട്; പ്രതികരിച്ച്‌ ഇലോണ്‍ മസ്ക്

ഗുജറാത്ത് വംശഹത്യയെ കുറിച്ചുള്ള ബി.ബി.സി ഡോക്യുമെന്ററി 'ഇന്ത്യ: ദി മോദി ക്വസ്റ്റ്യന്‍' രാജ്യത്ത് നിരോധിച്ചത് വലിയ പ്രതിഷേധങ്ങള്‍ക്കാണ് വഴിവെച്ചിരിക്കുന്നത്. ബി.ജെ.പിയുടെ തടയല്‍ ശ്രമങ്ങളെ അതിജീവിച്ച്‌ രാജ്യവ്യാപകമായി ഡോക്യുമെന്ററിയുടെ പൊതുപ്രദര്‍ശനങ്ങള്‍ പൊടിപൊടിക്കുകയാണ്. യൂട്യൂബിന് പുറമേ, ഫേസ്ബുക്ക്, ട്വിറ്റര്‍...