ലോകകപ്പില്‍ അര്‍ജന്റീനക്ക് ഇന്ന് ജീവന്‍മരണ പോരാട്ടം. അവസാന ഗ്രൂപ്പ് മത്സരത്തില്‍ പോളണ്ട് ആണ് മെസിക്കും സംഘത്തിനും എതിരാളികള്‍.
പ്രീ ക്വാര്ട്ടര് ഉറപ്പിക്കാന്‍ ജയം അല്ലാതെ മറ്റൊന്നും അര്‍ജന്റീനക്ക് മുന്നിലില്ല. സമനില പോലും മുന്നോട്ടുള്ള പോക്കിനെ തുലാസിലാക്കും.
മെസി ഇനിയൊരു ലോകകപ്പില്‍ കളിക്കാന്‍ സാധ്യതയുണ്ടോ? ഉണ്ടാവില്ലെന്ന സൂചനകള്‍ ആ 35കാരന്‍ ഇതിനോടകം തന്നെ നല്‍കിക്കഴിഞ്ഞു. അങ്ങനെയെങ്കില്‍ ഡിസംബര്‍ 18ന് ലുസൈല്‍ സ്റ്റേഡിയത്തില്‍ നടക്കുന്ന ആവേശപ്പോരില്‍ മെസിപ്പട ലോകകിരീടം ഏറ്റുവാങ്ങുമോ? ഇന്ന് പോളണ്ടുമായി നടക്കുന്ന മത്സരത്തില്‍ ടീം അര്ജന്റീന ഈ ചോദ്യത്തിനുള്ള ഉത്തരം നല്‍കും.
ഗ്രൂപ്പ് ഘട്ടത്തിലെ തങ്ങളുടെ അവസാന മത്സരത്തിനാണ് ഇന്ന് ഫ്രാന്‍സും ടുണീഷ്യയും പരസ്പരം ഏറ്റുമുട്ടുക. ഫ്രാന്‍സ് പ്രീ ക്വാര്ട്ടര് ഉറപ്പിച്ചെങ്കിലും ടുണീഷ്യയുമായുള്ള മത്സരം ഒട്ടും എളുപ്പമായിരിക്കില്ല. മുന്‍ ചാമ്ബ്യന്‍മാ‌ര്‍ അടുത്ത ലോകകപ്പില്‍ പ്രീ ക്വാര്ട്ടര് കടക്കില്ല എന്ന ചാമ്ബ്യന്‍ ശാപം അവസാനിപ്പിച്ചു കൊണ്ടാണ് ഡെന്മാര്ക്കിനെതിരെയുള്ള ജയത്തിലൂടെ ഫ്രാന്‍സ് പ്രീ ക്വാര്ട്ടറിലേക്ക് ടിക്കറ്റെടുത്തത്. രണ്ട് കളികളില്‍ ഒരു ഇരട്ട ഗോളടക്കം മൂന്ന് ഗോളുകള്‍ നേടി ഗോള്‍ഡന്‍ ബൂട്ടിലേക്ക് ചുവടുവയ്ക്കുന്ന സൂപ്പ‌ര്‍ താരം കിലിയന്‍ എംബാപ്പെയുടെ ചുമലിലേറിയാണ് ഫ്രഞ്ച് പടയോട്ടം.
പരുക്കില്‍ നിന്ന് മുക്തമായി കരിം ബെന്‍സെമയും കൂടി തിരിച്ചെത്തിയാല്‍ ദിദിയെ ദഷാംപ്സിന്റെ ശിഷ്യന്‍മാരെ തക‌ര്‍ക്കാന്‍ മറ്റ് ടീമുകള്‍ പെടാപ്പാടു പെടേണ്ടി വരുമെന്ന് തീര്ച്ച. ആസ്ട്രേലിയക്കെതിരായ ആദ്യ മത്സരത്തില്‍ ചാമ്ബ്യന്‍മാരുടെ കളിയാണ് ഫ്രാന്‍സ് പുറത്തെടുത്തത്.ഒന്നിനെതിരെ നാല് ഗോളുകള്‍ക്കായിരുന്നു ഫ്രാന്‍സിന്റെ ജയം.
മത്സരത്തില്‍ ഇരട്ട ഗോള്‍ നേട്ടത്തോടെ ഒലിവര്‍ ജിറൂഡ് ഫ്രാന്‍സിന്റെ എക്കാലത്തെയും മികച്ച ഗോള്‍ വേട്ടക്കാരന്നെ തിയറി ഹെന്‍റിയുടെ റെക്കോര്‍ഡിനൊപ്പം എത്തി. എന്നാല്‍ രണ്ടാം മത്സരത്തില്‍ ഫ്രഞ്ച് പടയ്ക്ക് കാര്യങ്ങള്‍ അത്ര എളുപ്പമല്ലായിരുന്നു. ഡാനിഷ് ഡൈനാമൈറ്റുകള്‍ക്ക് മുന്‍പില്‍ ഒന്നു പതറിയതിനു ശേഷമാണ് ഫ്രഞ്ച് പട മത്സരത്തിലേക്ക് തിരിച്ചെത്തിയത്. എന്തായാലും ടുണീഷ്യക്കെതിരായ മൂന്നാം മത്സരത്തിലും ജയത്തില്‍ കുറഞ്ഞതൊന്നും ലക്ഷ്യം വച്ചാകില്ല മുന്‍ ചാമ്ബ്യന്‍മാ‌ര്‍ ബൂട്ട് കെട്ടുക.
കാ‌ര്‍ത്തേജ് കഴുകന്‍മാരുടെ പ്രി ക്വാര്ട്ടര് പ്രതീക്ഷ ഏറെക്കുറെ തുലാസിലായെങ്കിലും വീറുട്ട പോരാട്ടമാണ് അവര്‍ മത്സരങ്ങളിലുട നീളം പുറത്തെടുത്തത്.യൂറോപ്യന്‍ കരുത്തന്‍മാരായ ഡെന്മാര്ക്കിനെതിരെയുള്ള ആദ്യ പോരാട്ടത്തില്‍ മികച്ചകളിയിലുടെ സമനില പിടിച്ചെടുത്ത അവര്‍ സോക്കറൂസിനെതിരായ രണ്ടാം മത്സരത്തില്‍ മികച്ച കളിക്കോടുവിലാണ് ഒരു ഗോളിന്റെ തോല്‍വി വഴങ്ങിയത്.
യൂസഫ് സക്നി ക്യാപറ്റനായ ടുണീഷ്യന്‍ ടീമില്‍ എല്ലിസ് ഷിക്കേറി , അലി അബ്ദി തുടങ്ങിയ മുന്‍നിര കളിക്കാരും അണി നിരക്കുന്നുണ്ട്. മുന്‍പ് പന്ത് തട്ടിയ അഞ്ച് ലോകകപ്പുകളിലും ഗ്രൂപ്പ് ഘട്ടത്തില്‍ തന്നെ മടങ്ങേണ്ടി വന്ന ടുണീഷ്യക്ക് ഇത്തവണയും അങ്ങനെ തന്നെ സംഭവിച്ചാലും ലോകകപ്പില്‍ ആഫ്രിക്ക നടത്തിയ കരുത്തുറ്റ പോരാട്ടത്തിന്റെ ഭാഗമാകാന്‍ ആയതില്‍ അഭിമാനിക്കാം.
ഗ്രൂപ്പ് ബിയില്‍ നിര്ണായക പോരാട്ടത്തിനാണ് ആസ്ട്രേലിയയും ഡെന്‍മാ‌ര്‍ക്കും ഇറങ്ങുക. ഇന്ന് ജയിച്ചാല്‍ ആസ്ട്രേലിയക്ക് പ്രീ ക്വാര്ട്ടര് ബര്‍ത്ത് ഉറപ്പിക്കാം . ഇന്ന് ജയിച്ചാല്‍ കങ്കാരുക്കള്‍ക്ക് പ്രി ക്വാര്ട്ടര് ടിക്കറ്റ് സഞ്ചിയിലാക്കാം.ഒരു ജയവും ഒരു തോല്‍വിയുമായി ഗ്രൂപ്പില്‍ രണ്ടാം സ്ഥാനത്താണ് നിലവി‌ല്‍ ആസ്ട്രേലിയ. ആദ്യ കളിയില്‍ ഫ്രാന്‍സിനോടേറ്റ വമ്ബന്‍ തോല്‍വിയോടെയാണ് ആസ്ട്രേലിയയുടെ തുടക്കം.ഒമ്ബതാം മിനിറ്റില്‍ ആദ്യ ഗോള്‍ നേടാനായെങ്കിലും തുട‌ര്‍ന്ന് ആ മേല്‍ക്കോയ്മ നിലനി‌ര്‍ത്താന്‍ സോക്കറൂസ് ആയില്ല.
തുടരെ തുടരെ നാല് ഗോളുകള്‍ സ്വന്തം വലയിലേക്ക് കയറുന്നത് നോക്കി നില്‍ക്കാനല്ലാതം പ്രതിരോധിക്കാന്‍ കങ്കാരുപ്പടയ്ക്ക് കഴിഞ്ഞില്ല.രണ്ടാം മത്സരത്തില്‍ കാ‌ര്‍ത്തേജ് കഴുകന്‍മാരോട് ജയിക്കാനായെങ്കിലും വിജയം ഒട്ടും ആധികാരികമായിരുന്നില്ല.കളിച്ച രണ്ട് കളിയിലും ക്രെയ്ഗ് ഗുഡ്വിന്‍ ആണ് ടീമിന്റെ കളി മെനഞ്ഞത്.മിച്ചല്‍ ഡ്യൂക്കും മാത്യൂ ലക്കിയുമെല്ലാം മികച്ച കളി പുറത്തെടുത്താല്‍ ടീമിന് യൂറോപ്പ്യന്‍ കരുത്തന്‍മാ‌ര്‍ക്കെതിരെ ജയം സ്വന്തമാക്കി അടുത്ത ഘട്ടത്തിലേക്ക് കടക്കാനാകും.
ഡാനിഷ് ഡൈനാമേറ്റ് എന്ന വിളിപ്പേര് അന്വ‌ര്‍ത്ഥമാക്കുന്ന പ്രകടനം പുറത്തെടുക്കാന്‍ ഈ ലോകകപ്പിലും ഡെന്‍മാ‌ര്‍ക്കിനായില്ല. ടുണീഷ്യയുമായുള്ള മത്സരത്തില്‍ സമനിലയായിരുന്നു ഫലം.രണ്ടാം മത്സരത്തില്‍ ഫ്രാന്‍സിനോട് തോല്‍വിയും ഏറ്റു വാങ്ങേണ്ടി വന്നു. ഒരു ഗോള്‍ മടക്കാനായത് മാത്രമാണ് ആശ്വാസം.എറിക്സണും ക്രിസ്റ്റ്യന്‍സണുമാണ് ഡെന്‍മാ‌ര്‍ക്കിനു വേണ്ടി മികച്ച പ്രകടനം നടത്തുന്ന താരങ്ങള്‍. 1978ല്‍ ക്വാര്ട്ടര് ഫൈനലിലെത്തിയതാണ് ഡാനിഷ് പടയുടെ ചരിത്രത്തിലെ മികച്ച പ്രകടനം. പ്രീക്വാര്‍ട്ടര്‍ ഉറപ്പിച്ച ചാമ്ബ്യന്‍മാരും ജയം മാത്രമിട്ട് ഡാനിഷ്ബൂ പടയും ബൂട്ട് കെട്ടുമ്ബോള്‍ പിറക്കുക ത്രസിപ്പിക്കുന്ന മത്സരമാണെന്ന് തീര്ച്ച.
ഖത്ത‌ര്‍ ലോകകപ്പില്‍ ഗ്രൂപ്പ് സിയിലെ അവസാന മത്സരത്തില്‍ മെക്സിക്കോ സൗദി അറേബ്യയെ നേരിടുമ്ബോള്‍ ഇരുടീമുകള്‍ക്കും പ്രീ ക്വാര്ട്ടര് സാധ്യതകള്‍ സജീവമാണ്. അവസാന ഗ്രൂപ്പ് മത്സരത്തിനിങ്ങുമ്ബോള്‍ ഒരു ജയവും പരാജയവുമാണ് സൗദിയുടെ അക്കൗണ്ടിലുളളത്, എന്നാല്‍ ഒരു സമനിലയും തോല്‍വിയുമായെത്തുന്ന മെക്സികോയ്ക്ക് കുതിക്കാന്‍ അട്ടിമറികള്‍ സംഭവിക്കണം.
മൂന്ന് സാധ്യതകളാണ് മെക്സിക്കോയ്ക്ക് മുന്‍പിലുളളത്,
ലുസൈലില്‍ മെക്സിക്കോ സൗദിയെ പരാജയപ്പെടുത്തുകയും പോളണ്ട് അര്‍ജന്റീനയെ പരാജയപ്പെടുത്തുകയും ചെയ്താല്‍ ഏഴു പോയിന്റോടെ ഗ്രൂപ്പ് ചാമ്ബ്യന്മാരായി പോളണ്ടും 4 പോയിന്റുമായി മെക്സിക്കോയും പ്രീ ക്വാര്ട്ടര് ബെര്‍ത്തുറപ്പിക്കും.
അര്ജന്റീന പോളണ്ടിനെ പരാജയപ്പെടുത്തുകയും മെക്സിക്കോ വിജയിക്കുകയും ചെയ്താല്‍ ആദ്യ മൂന്നു ടീമുകളും പോയിന്റ് നിലയില്‍ തുല്യരാകും. ഈ സാഹചര്യത്തില്‍ വലിയ മാര്‍ജിനില്‍ സൗദിയെ തറപറ്റിച്ചാല്‍ ആദ്യ പതിനാറിലേക്ക് മെക്സിക്കോയ്ക്ക് മറ്റൊരു സാധ്യത തുറക്കും. മെക്സിക്കോ സൗദിയെ പരാജയപ്പെടുത്തുകയും പോളണ്ട് അര്ജന്റീന മത്സരം സമനിലയില്‍ പിരിയുകയും ചെയ്താല്‍, വലിയ മാര്‍ജിനിലുള്ള ജയം മെക്സികോയെ പ്രീ ക്വാര്ട്ടറിലേക്ക് നയിക്കും,
സൗദിയെ സംബന്ധിച്ചെടുത്തോളം രണ്ടു സാധ്യതകളാണുളളത്
ഒരു സമനിലയോ തോല്‍വിയോ പിണഞ്ഞാല്‍ പോളണ്ടിന്റെ വിജയത്തെ ആശ്രയിച്ചാകും സൗദിയുടെ പ്രീ ക്വാര്ട്ടര് സാധ്യതകള്‍, എന്നാല്‍ മെക്സിക്കോയ്ക്കെതിരായ മികച്ച ജയം ഏഷ്യന്‍ കരുത്തരുടെ പ്രീ ക്വാര്ട്ടര് ബെര്‍ത്തുറപ്പിക്കും. ചുരുക്കത്തില്‍ സൗദി മെക്സിക്കോ മത്സരത്തിന് ലുസൈല്‍ വേദിയാകുമ്ബോഴും സ്റ്റേഡിയം 974 ലെ അര്ജന്റീന പോളണ്ട് മത്സരത്തിലേക്കാകും ഇരു ടീമുകളുടെയും ആരാധകരുടെയും കണ്ണും കാതും.
