12 ജിബി റാമും 256 ജിബി ഇന്റേണല്‍ സ്റ്റോറേജുമായി ഷവോമി എംഐ 11 സ്മാര്‍ട്ഫോണ്‍ ഇന്ന് അവതരിപ്പിക്കും. റാമും സ്റ്റോറേജുമായി ജോടിയാക്കിയ ക്വാല്‍കോം സ്‌നാപ്ഡ്രാഗണ്‍ 888 SoC പ്രോസസറാണ് ഈ സ്മാര്‍ട്ട്‌ഫോണിന്റെ കരുത്ത്. മറ്റ് വേരിയന്റുകളും ഇതേ ചിപ്‌സെറ്റായിരിക്കും ഉണ്ടാവുക.
ഈ മുന്‍നിര പ്രോസസ്സറില്‍ നിറഞ്ഞുനില്‍ക്കുന്ന ആദ്യത്തെ സ്മാര്‍ട്ട്‌ഫോണായിരിക്കും എംഐ 11. വരും ദിവസങ്ങളില്‍, ഗാലക്‌സി എസ് 21, ഗാലക്‌സി എസ് 21 അള്‍ട്രാ, ഗാലക്‌സി എസ് 21 + എന്നിവ ഉള്‍പ്പെടുന്ന ഗാലക്‌സി എസ് 21 സീരീസ് സാംസങ് ലോഞ്ച് ചെയ്യുന്നത് നിങ്ങള്‍ക്ക് കാണാം. ഇതേ മുന്‍നിര പ്രോസസറുമായി വണ്‍പ്ലസ് 9 സീരീസും പുറത്തിറക്കുമെന്ന് പ്രതീക്ഷിക്കുന്നു.
ഉയര്‍ന്ന സ്‌ക്രീന്‍ റിഫ്രഷ് റേറ്റ്, മികച്ച ഇന്‍-ക്ലാസ് ക്യാമറകള്‍, വലിയ ബാറ്ററി എന്നിവ ഉള്‍ക്കൊള്ളുന്നതാണ് പുതിയ എംഐ 11 സ്മാര്‍ട്ഫോണ്‍. 6.7 ഇഞ്ച് അമോലെഡ് സ്‌ക്രീനില്‍ ക്യുഎച്ച്‌ഡി + റെസല്യൂഷനും 120 ഹെര്‍ട്സ് റിഫ്രഷ് റേറ്റും ഈ ഫോണിലുണ്ടാകും. ആന്‍ഡ്രോയിഡ് 11 അധിഷ്‌ഠിത എംഐയുഐ 12.5 ല്‍ ഫോണ്‍ പ്രവര്‍ത്തിക്കുമെന്ന് പറയപ്പെടുന്നു. മുന്‍വശത്ത് വരുന്ന 108 എംപി ക്യാമറ, സാംസങ് ഐസോസെല്‍ എച്ച്‌എം 3 ബ്രൈറ്റ് പ്രൈമറി സെന്‍സര്‍, 13 എംപി അള്‍ട്രാ വൈഡ് ആംഗിള്‍ ലെന്‍സ്, 5 എംപി മാക്രോ ക്യാമറ എന്നിവ ഉപയോഗിച്ച്‌ ട്രിപ്പിള്‍ റിയര്‍ ക്യാമറ സെറ്റപ്പ് ഈ ഹാന്‍ഡ്‌സെറ്റില്‍ വരുന്നത്.
